Actualitats
An incendiat una bòrna ecotaxa en Labrit
Aquela accion mòstra qu’Occitània contunha las protèstas qu’an començat en Bretanha
An incendiat una bòrna ecotaxa, diluns passat de ser, sus una estrada departamentala de Gasconha. Segon la gendarmariá, l’origina de l’incendi es “criminala” sens cap de dobte.
La bòrna, s’agís de dos pals verticals d’un costat e l’autre de la cauçada, e contraròtla lo pagament de l’ecotaxa als grands camions. Incendièron los dos pals de la bòrna vèrs 21 oras près de la campanha de Lòssa (Labrit), segon d’informacions del jornal Sud-Ouest.
La bòrna, que foguèt entièrament destrucha, es una de las tres installadas dins las Lanas de Gasconha.
Refusan la nòva taxa que lo govèrn impausa als grands camions circulant pel país. Segon los productors bretons, es una taxa que penaliza las economias agricòlas, coma la bretona, en favor de la granda indústria agricòla de las multinacionalas. Al delà de las nombrosas manifestacions de protèsta, en Bretanha an ja sabotat cinc bòrnas, e tanben una al nòrd de França.
La bòrna, s’agís de dos pals verticals d’un costat e l’autre de la cauçada, e contraròtla lo pagament de l’ecotaxa als grands camions. Incendièron los dos pals de la bòrna vèrs 21 oras près de la campanha de Lòssa (Labrit), segon d’informacions del jornal Sud-Ouest.
La bòrna, que foguèt entièrament destrucha, es una de las tres installadas dins las Lanas de Gasconha.
Refusan la nòva taxa que lo govèrn impausa als grands camions circulant pel país. Segon los productors bretons, es una taxa que penaliza las economias agricòlas, coma la bretona, en favor de la granda indústria agricòla de las multinacionalas. Al delà de las nombrosas manifestacions de protèsta, en Bretanha an ja sabotat cinc bòrnas, e tanben una al nòrd de França.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Plan fait per aquela ecotaxa-Goldman-Sachs-Benetton-SFR & co !
#3 Tot un programa...
lo transport per ralh qu'ei censar favorizar l"ecotaxe es un bordelàs prodigios, la SNCF es incapable de respecar lo mendre engatjament, e totei leis imposts e taxes qu'inventa lo govèrn mostra son incapacitat a se reformar, estofegat per una chifra record de fonccionaris langastas que te suçan lo sang blu-blanc-roge e qu'auriam d'escrachar ambe lo gros det que li dison pereu cocha-pesolhs
#1 Era sollucion ara pollucion non ei cap hèr pagar ua taxa, atau tot çò que se hè ei favorir es productors arriqui. Se vertadièraments se vò ua solucion ara pollucion, que cau cambiar es infrastructures deth transpòrt e hèr arribar es merces per tren pertot.
Qu'avem un rapòrt tant erotic e fusionau dab l'automobila!
Los radars automatics, au començar, qu'èran fusilhats dab fesilhs de caça o pintrats o copats a la maça tanben.
Tot çò qui vòu empachar de rotlar qu'ei atacat e la libertat de polluar qu'ei la sola qui cau deféner.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari