Per l’inauguracion se prepausa uèi un aperitiu, de 6 oras del vèspre enlà
Macarèl, l’entrepresa de merchandising occitanista e de produches occitans, inaugura uèi una botiga al numèro 13 de la Carrièra del Taur a Tolosa, una carrièra fòrça comerciala al centre istoric de la Ciutat Mondina. Per l’inauguracion, Macarèl i prepausa un aperitiu tre sièis oras del vèspre.
Jos un panèl bilingüe occitan-anglés, la nòva botiga de Macarèl cèrca de portar los produches ligats a l’imatge del país nòstre a Tolosa. La societat es coneguda nacionalament per la confeccion e distribucion de bandièras, camisetas, mapas d’Occitània, musica e tota mena de merchandising engatjat amb l’occitanisme; ara es ja establida a Sant Joan de Vedats, al costat de Montpelhièr.
“Per la pichòta entrepresa dau Clapàs l’escomesa es de las bèlas, tant al nivèl financièr coma uman”, çò ditz Danís Cantournet, lo capmèstre de Macarèl. “O caliá far”, çò apond, “se la botiga vira plan, embaucharem qualqu’un per se’n mainar”.
Esperem que los occitans del País Tolosan portaràn la pròva que la lenga occitana pòt viure e trabalhar al país.
_____
Vidèo: Lo 25 de febrièr de 2012, Macarèl fasiá dètz ans
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Disètz : «Segur a l'ora d'ara l' imatge val melhor que la paraula.» Es evident que l'image valdrà pas jamai melhor que l'argumentari racional per far entendre rason. Mas del mai venon la gents fanientasas en tèrme de reflexion, e del mai l'image ven lo solet mejan de los tocar encara un pauc, del cap dels dets.
Segur a l'ora d'ara l' imatge val melhor que la paraula . Macarèl ! Qu' es un bon biais de difusir la cultura e la civilizacion . E mai son los estrangièrs subretot que crompan aqueles produches .E un bon biais de far petar los repròchis sonque franceses de comunautarisme e de "replegament identitaire"!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#3 Disètz : «Segur a l'ora d'ara l' imatge val melhor que la paraula.» Es evident que l'image valdrà pas jamai melhor que l'argumentari racional per far entendre rason. Mas del mai venon la gents fanientasas en tèrme de reflexion, e del mai l'image ven lo solet mejan de los tocar encara un pauc, del cap dels dets.
Segur a l'ora d'ara l' imatge val melhor que la paraula . Macarèl ! Qu' es un bon biais de difusir la cultura e la civilizacion . E mai son los estrangièrs subretot que crompan aqueles produches .E un bon biais de far petar los repròchis sonque franceses de comunautarisme e de "replegament identitaire"!
Macarèl! Aquò's una bona nòva!
òsca!!!!!
A la mèma carrèra com la libraria Occitania!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari