E coneissètz los asaros, los himbas, los hulis, los rabaris e los tsaatans? Benlèu los coneissètz pas, e quitament auretz pas lo temps de los conéisser, perque son cinc nacions isoladas del trentenat qu’a vesitat lo fotograf anglés Jimmy Nelson pendent las darrièras annadas. Lo resultat de sos tretze viatges per cinquanta païses de tot lo Mond es lo libre de fotografias ont Nelson documenta, en fòtos, de pòbles abandonats. Perque los sieus retraches son, de fach, lo testimòni d’un mond menaçat de desaparéisser.
 
Coma se ditz dins lo sit Before they pass away (abans que trespassen), Jimmy Nelson nos fòrça de veire, de comprene e de nos remembrar dels pòbles abans que desaparescan. La lista de las nacions documentadas e tiradas en retrach per Nelson son los arbores, asaros, bannas, cazacs, chokchis, danis, dassaneches, drokpas, gauchos, gorokas, hamars, himbas, huaoranis, hulis, kalams, karos, korowais, ladakhis, maòris, massais, mursis, mustangs, nenètzes, rabaris, samburus, tibetans, tsaatans, vanuatus e yalis.