Lo nombre de victimas encara pòt aumentar. L’ÒNU a anonciat que refortirà l’ajuda per i mandar de provesiments. Lo tifon se dirigís vèrs China e Vietnam.
Lo passatge del supertifon Haiyan per las Illas Filipinas es estat devastaire e a causat mai de 10 000 mòrts, segon la polícia. Aquela chifra encara pòt aumentar, perque i a de zònas incomunicadas ont an pas encara fach lo bilanç.
Lo tifon a destruch près d’80% de Tacloban, la capitala de la província de Leyte, ont i a pas un ostal de quilhat. La causa de la majoritat dels mòrts es la crescuda de la mar, qu’a inondat de vilas entièras.
Las Nacions Unidas an anonciat que refortiràn l’ajuda a las Filipinas per i mandar de provesiments. I a de milièrs d’ostals destruches, de rotas talhadas e la fornidura d’aiga e d’electricitat s’es interrompuda en fòrça endreches. Un fum de vilas rèstan incomunicadas. De scènas de pilhatge se pòdon veire d’aicí d’ailà.
Lo tifon se’n va cap a Vietnam, ont 600 000 personas son ja deslotjadas, e an barrat los aeropòrts del centre del país.
Al sud de China an elevat l’alèrta al tifon al nivèl maxim. La zòna mai menaçada es l’illa d’Hainan, ont ja i a sièis desapareguts dempuèi que la mar e la fòrça del vent an desamarrat una barca. En Taiwan lo tifon a ja tuat uèch personas.
_____
Mai d’informacions:
– BBC News: Philippines battle to move storm aid
– Al Jazira: Philippines reels from Typhoon Haiyan havoc
Lo passatge del supertifon Haiyan per las Illas Filipinas es estat devastaire e a causat mai de 10 000 mòrts, segon la polícia. Aquela chifra encara pòt aumentar, perque i a de zònas incomunicadas ont an pas encara fach lo bilanç.
Lo tifon a destruch près d’80% de Tacloban, la capitala de la província de Leyte, ont i a pas un ostal de quilhat. La causa de la majoritat dels mòrts es la crescuda de la mar, qu’a inondat de vilas entièras.
Las Nacions Unidas an anonciat que refortiràn l’ajuda a las Filipinas per i mandar de provesiments. I a de milièrs d’ostals destruches, de rotas talhadas e la fornidura d’aiga e d’electricitat s’es interrompuda en fòrça endreches. Un fum de vilas rèstan incomunicadas. De scènas de pilhatge se pòdon veire d’aicí d’ailà.
Lo tifon se’n va cap a Vietnam, ont 600 000 personas son ja deslotjadas, e an barrat los aeropòrts del centre del país.
Al sud de China an elevat l’alèrta al tifon al nivèl maxim. La zòna mai menaçada es l’illa d’Hainan, ont ja i a sièis desapareguts dempuèi que la mar e la fòrça del vent an desamarrat una barca. En Taiwan lo tifon a ja tuat uèch personas.
_____
Mai d’informacions:
– BBC News: Philippines battle to move storm aid
– Al Jazira: Philippines reels from Typhoon Haiyan havoc
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari