Aqueste diluns de ser, l’estadi Brutus (Perpinhan) afichava complet, amb preséncia d’un freg ivernal e d’una tramontana a desbanar los cagaròts! Freg sus la pelena tanben que tre la 4a minuta, los samoans escartavan una pauma e Vidot puntava l’ensag dins lo canton de son ala dreita. Milford transformava.
Se descobrissiá lèu que los samoans avián causit una version “trucs e patacs” amb unes placatges a retardament que, long de la partida, l’arbitre sancionèt per de “mesas sul rapòrt” (a balhar de trabalh jorn e nuèit a la comission de disciplina) e per un sol carton jaune: Bartau (dos còps en seguida) e Bòsc agèron dreit a aquel tractament traumatologic. De mai, l’arbitre fiulèt plan de fautas als Blaus suls tenguts qu’èran pas d’una evidéncia fonsa. A la 32a minuta, enfins, Morgan Escarré trapava lo trauc dins la defensa “pacifica”, Bòsc transformava. Egalitat 6-6 a la pausa.
A la represa, los Pols beneficiavan de l’avantatge del vent, mas ne faguèron res de bon. L’arrièr Milford s’engulhèt entre los jogaires blaus per marcar al pè dels pals: 12-6 (46a). Los Pols dominèron, s’installèron dins los 20 m samoans, mas susprenguèron pas l’adversari que, sus una accion qu’anèt d’un cap de terren l’autre, confortava son avança a la 62a minuta per Vidot tornar: 16-6. Escarré se fasiá reprene dos o tres còps, Raguin vendemiava un 3 contra un e los samoans renfortissián lor victòria per un quatren ensag (Moors, 74a), transformat per Milford (òme de la partida): 22-6.
Los Pols an pas trapat las claus: lo mal ven permanent. E lo sarralhièr Agar va çaganhar d’aicí dissabte, mas lo quart de Wigan contra Anglatèrra va cap a una fin previsibla e anonciada (aquò dit, sens cap de pessimisme!).
Los samoans an los mejans, onèstes o non, mas va dependre de las decisions de la comission de disciplina, de se trapar en mièja finala aprèp lo rescontre de quart de dimenge contre lors vesins de Fiji.
Rebombs de pauma
– Television. Los organizaires de la Copa del Monde an balhat las chifras per la retransmission d’Anglatèrra-Fiji: 2 200 000 espectators (siá 15% de l’audiéncia del dissabte de vèspre sus las cadenas anglesas). Donan a títol de comparason, a la meteissa ora, las chifras per las autras retransmissions esportivas : Masters de tènis: 1 200 000 personas; retransmissions de fotbal: 810 000; Anglatèrra-Argentina de XV: 571 000. Per çò qu’es de l’audiéncia de BeIn Sport en cò nòstre, las chifras son “top secret”.
Alan Roch
Se descobrissiá lèu que los samoans avián causit una version “trucs e patacs” amb unes placatges a retardament que, long de la partida, l’arbitre sancionèt per de “mesas sul rapòrt” (a balhar de trabalh jorn e nuèit a la comission de disciplina) e per un sol carton jaune: Bartau (dos còps en seguida) e Bòsc agèron dreit a aquel tractament traumatologic. De mai, l’arbitre fiulèt plan de fautas als Blaus suls tenguts qu’èran pas d’una evidéncia fonsa. A la 32a minuta, enfins, Morgan Escarré trapava lo trauc dins la defensa “pacifica”, Bòsc transformava. Egalitat 6-6 a la pausa.
A la represa, los Pols beneficiavan de l’avantatge del vent, mas ne faguèron res de bon. L’arrièr Milford s’engulhèt entre los jogaires blaus per marcar al pè dels pals: 12-6 (46a). Los Pols dominèron, s’installèron dins los 20 m samoans, mas susprenguèron pas l’adversari que, sus una accion qu’anèt d’un cap de terren l’autre, confortava son avança a la 62a minuta per Vidot tornar: 16-6. Escarré se fasiá reprene dos o tres còps, Raguin vendemiava un 3 contra un e los samoans renfortissián lor victòria per un quatren ensag (Moors, 74a), transformat per Milford (òme de la partida): 22-6.
Los Pols an pas trapat las claus: lo mal ven permanent. E lo sarralhièr Agar va çaganhar d’aicí dissabte, mas lo quart de Wigan contra Anglatèrra va cap a una fin previsibla e anonciada (aquò dit, sens cap de pessimisme!).
Los samoans an los mejans, onèstes o non, mas va dependre de las decisions de la comission de disciplina, de se trapar en mièja finala aprèp lo rescontre de quart de dimenge contre lors vesins de Fiji.
Rebombs de pauma
– Television. Los organizaires de la Copa del Monde an balhat las chifras per la retransmission d’Anglatèrra-Fiji: 2 200 000 espectators (siá 15% de l’audiéncia del dissabte de vèspre sus las cadenas anglesas). Donan a títol de comparason, a la meteissa ora, las chifras per las autras retransmissions esportivas : Masters de tènis: 1 200 000 personas; retransmissions de fotbal: 810 000; Anglatèrra-Argentina de XV: 571 000. Per çò qu’es de l’audiéncia de BeIn Sport en cò nòstre, las chifras son “top secret”.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari