Après que qualques cònsols omofòbs refusèron de maridar de parelhs del meteis sèxe, lo collectiu Les Dures à Queer a creat un sit web ont aqueles cònsols meteisses pòdon demandar lor demission perque vòlon pas seguir la lei del maridatge per totes. Lo sit s’apèla Demission per Totes e l’an fach pel dotzenat de cònsols qu’an manifestat dobèrtament lor refús, per lor facilitar la redaccion de la letra de demission, en solament tres clics.
 
Lo portal pòt èsser util, per exemple, a Jacques Tissier, cònsol de Fontgombault (França), qu’aviá dich que demissionariá s’èra obligat de maridar un parelh omosexual. Mas pòt èsser fòrça util tanplan per maites cònsols occitans.