A Bahrayn, una petita illa-estat dins lo Golf Persic, lo vent de la Prima Aràbia arribèt fa dos ans. Mas i demorèt pas a causa de la dura repression del govèrn. Aquela repression sembla que contunhariá dins aquel petit país. O mòstra una donada: amb 1,3 milion d’abitants, lo govèrn pensa de crompar 1,6 milion de pòts de gas lacrimogèn. Es çò que denóncia l’organizacion Bahrain Watch.
 
Per o denonciar, e per o arturar, los de l’organizacion an començat una campanha suls rets socials, “Arturem lo Cargament”, contra aquela possibla crompa, principalament a de societats coreanas e sud-africanas.
 
La campanha de Bahrain Watch rapòrta los efièches e las consequéncias dels gases lacrimogèns sus la populacion civila, qu’an ja causat de nombroses mòrts, e tanben prepausa d’agir activament en la denóncia de l’emplec d’aquela arma repressiva per mejan d’e-mails a las entrepresas que los fabrican e a las autoritats.