Nathan Gray, dins sos dètz ans, auriá descobèrt una supernòva de 600 milions ans quand èra amb son paire, un amator d’astronomia, en tot revisar las observacions de l’observatòri d’Abbey Risge. La descobèrta de la dicha “Supernòva de Nathan” es estada avalizada per la Societat Reiala Astronomica de Canadà, que deu ratificar la descobèrta. La supernòva seriá plaçada dins la constellacion del Dragon, a qualques 600 milions d’ans lutz de distància, segon los expèrts.
 
Se la trobalha se confirma, Nathan Gray serà la persona mai jove qu’aja descobèrt quicòm aital, e remplaçariá sa sòrre ainada, Kathryn Aurora Gray, que localizèt ja una supernòva wn 2010, nomenada 2010lt e qu’es dins la galaxia UGC3378. La sòrre faguèt aquela descobèrta quand aviá tanben 10 ans, mas aviá tres meses de mai que son fraire.
 
Nathan Gray a declarat als mèdias qu’es fòrça esmogut e aürós d’aver trobat una supernòva e espèra de ne trobar una autra “dins qualque moment”.