Actualitats
Catalonha s’engatja amb l’Euroregion e i demanda l’oficialitat de l’occitan
Lo Parlament catalan a manifestat son sosten a l’Euroregion Pirenèus-Mediterranèa, demanda per eles mai d’autonomia e de finançament e vòl que l’occitan ne siá lenga oficiala
Lo Parlament de Catalonha aprovèt divendres passat, amb los vòtes d’ICV, CIU, ÈRC, PSC e C’s, una resolucion prepausada per ICV per tal de donar mai d’autonomia e de finançament a l’Euroregion Pirenèus-Mediterranèa.
Aquestes darrièrs ans, las dificultats economicas provoquèron de retards dins los pagaments de la Generalitat de Catalonha, çò que provoquèt que las regions de Lengadòc-Rosselhon e de Miègjorn-Pirenèus menacèssen de quitar lo projècte.
Dins aquel sens, lo Parlament de Catalonha a volgut mostrar son engatjament amb l’Euroregion, demanda de la dotar de mai d’autonomia per la far mai independenta e operativa, mai que mai al nivèl financièr, e demanda al govèrn de Catalonha que faga totas las accions per reconéisser l’oficialitat de la lenga occitana, al costat del catalan e del francés.
Los deputats qu’an prepausat lo vòte an manifestat que “la projeccion europèa e internacionala de la rigor de Catalonha e de son govèrn seràn d’elements clau dins son procès de transicion nacionala”.
L’Euroregion Pirenèus-Mediterranèa es un projècte transfrontalièr de cooperacion politica entre las regions Miègjorn-Pirenèus, Lengadòc-Rosselhon e las comunautats autonòmas de Catalonha e las Illas Balearas. En 2014 se’n celebrarà lo desen anniversari.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un plaer per als Catalans donar-vos suport en aquest i en molts altres aspectes.
Una abraçada.
#6 E Liguria ? E pedmont ? E Eslovàquia ? E Soïssa ? E Austria ? L'idèia d'une Euroregion sènsa mei fraires de l'autre man deis Aups m'enmerda a ieu tanben ! Aquelei deis Aups siam una familha !
Amb de rasonament ansinta, lèu l'euroregion serà tant granda coma Euròpa ! ;)
#2 Partejar Gasconha en dos a pas mai de sens que lo traçat arbitrari de las "regions programaticas francesas"… La Solucion ? Una euro-zòna Euskadi-Aragon--Países Catalans-Occitània--Arpitània-Lombardia. E se que non, per çò mendre, Occitània tota-Païses Catalans totes… Mas a ieu, l'idèa de trabalhar sens los Basques m'emmèrda. Los Catalans son mos fraires bessons, lo Aragoneses mos fraires, e los Basques mos cosins ! Los dels Pirenèus, sèm una familha.
#4 Malaja senhoregen enqüèra los jacobins, ça'm par…
#3 Ne te'n des pas, la vergonha qu'ei entaus elejuts occitans, mes ne crei pas que voleràn deishar passar lo trin en marcha. Sonque quauques jacobins fanatics, solide.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari