Actualitats
Doris Lessing, l’escrivana engatjada, nos a quitat
Icòna de l’antiracisme e del feminisme, ganhèt lo Prèmi Nobel de Literatura en 1999
L’escrivana britanica Doris Lessing moriguèt ièr dimenge dins sos 94 ans. Èra un referent del feminisme e de l’antiracisme. Ganhèt una cordelada de prèmis, dont lo Nobel de Literatura en 2007.
Lessing nasquèt en 1919 a Kermanshah, en Iran, qu’alavetz èra Pèrsia, e visquèt son enfança dins l’actual Zimbabwe, ont coneguèt de près las discriminacions de las femnas e dels negres. De fach, pr’amor de sas constantas criticas contra lo regim de l’apartheid, li enebissián d’intrar en Sud‑Africa fins en l’an 1995.
En 1949 anèt demorar a Londres, ont escriguèt, un an puèi, son primièr roman, L’Èrba Canta(The Grass Is Singing), dins lo qual i a de pinceladas de sas experiéncias en Africa e de sas idèas politicas: foguèt militanta comunista fins en 1954.
Son òbra tracta los conflictes culturals, las injustícias de l’inegalitat raciala, e mai la tension entre l’etica personala, la creacion artistica e l’engatjament politic. Son cap d’òbra mai conegut es Lo Quasèrn Daurat (The Golden Notebook), publicat en 1962, que venguèt una icòna del feminisme.
Lessing se disiá amiga de Catalonha per “son istòria, tant agitada e variada” e perque “los païses petits pòdon exercir una influéncia desproporcionada sus la cultura mondiala, del meteis biais que sol un libre pòt rebatre los sentiments d’una generacion”, çò diguèt en recebre lo Prèmi Internacional Catalonha en 1999. Qualques unas de sas òbras son traduchas dins la nòstra lenga besson.
Lessing nasquèt en 1919 a Kermanshah, en Iran, qu’alavetz èra Pèrsia, e visquèt son enfança dins l’actual Zimbabwe, ont coneguèt de près las discriminacions de las femnas e dels negres. De fach, pr’amor de sas constantas criticas contra lo regim de l’apartheid, li enebissián d’intrar en Sud‑Africa fins en l’an 1995.
En 1949 anèt demorar a Londres, ont escriguèt, un an puèi, son primièr roman, L’Èrba Canta(The Grass Is Singing), dins lo qual i a de pinceladas de sas experiéncias en Africa e de sas idèas politicas: foguèt militanta comunista fins en 1954.
Son òbra tracta los conflictes culturals, las injustícias de l’inegalitat raciala, e mai la tension entre l’etica personala, la creacion artistica e l’engatjament politic. Son cap d’òbra mai conegut es Lo Quasèrn Daurat (The Golden Notebook), publicat en 1962, que venguèt una icòna del feminisme.
Lessing se disiá amiga de Catalonha per “son istòria, tant agitada e variada” e perque “los païses petits pòdon exercir una influéncia desproporcionada sus la cultura mondiala, del meteis biais que sol un libre pòt rebatre los sentiments d’una generacion”, çò diguèt en recebre lo Prèmi Internacional Catalonha en 1999. Qualques unas de sas òbras son traduchas dins la nòstra lenga besson.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Avèvi estudiat "The Grass is singing" a l'escòla ...
Òsca a ma Dau_na Lessing e bon viatge au país seus valents.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari