S’es fòrt aisidament que la Nòva Zelanda e Austràlia e plan logicament qu’Anglatèrra (maugrat la polida resisténcia dels Pols) se qualifiquèron per las mièjas finalas de Wembley, demorava de trapar lo quatren convidat de la fèsta.
Dimenge de vèspre, a Warrington, Fiji e Samoa se disputavan lo quatren fautuèlh. Fa plaser de veire qu’es l’esquipa de l’esperit mai ofensiu, qu’esita pas a jogar sus tota la largor del terren e de mandar las paumas fins als alièrs, que se ganhèt la partida fàcia a una formacion que presenta un jòc mai fisic. Atal, Fiji, amb un rugbi-blanqueta qu’aimariam de veire practicat per nòstres Blaus, faguèt la diferéncia tre lo primièr temps amb dos ensags transformats (Groom tre la quatrena minuta e Naiquama a la 33a) e una penalitat: 14-0.
Dins lo segond temps, los samoans ensagèron de remontar lo retard. Capitèron de marcar un ensag per Antòni Winterstein (58a). Una novèla penalitat de Wes Naiquama (70a) los teniá a distància e un ensag sus la còrna de Roqica confortava la victòria fijiana: 22-4.
De notar que lo Drac Darryl Millard jogava a la dobertura e que lo tolzan Vunekace èra dins lo paquet dels avants fijians.
Òm se trapa amb la meteissa configuracion per las mièjas finalas qu’en 2008. La Nòva Zelanda aviá batut Anglatèrra: 32-22; e Austràlia aviá ganhat contra Fiji: 52-0. Ongan, pel compte del primièr torn, lo 2 de novembre a Saint Helens, los Cangorós ganhèron 34-2. Ongan, aurem los meteisses resultats qu’en 2008 per una meteissa finala? Responsa dissabte de vèspre.
Alan Roch
Dimenge de vèspre, a Warrington, Fiji e Samoa se disputavan lo quatren fautuèlh. Fa plaser de veire qu’es l’esquipa de l’esperit mai ofensiu, qu’esita pas a jogar sus tota la largor del terren e de mandar las paumas fins als alièrs, que se ganhèt la partida fàcia a una formacion que presenta un jòc mai fisic. Atal, Fiji, amb un rugbi-blanqueta qu’aimariam de veire practicat per nòstres Blaus, faguèt la diferéncia tre lo primièr temps amb dos ensags transformats (Groom tre la quatrena minuta e Naiquama a la 33a) e una penalitat: 14-0.
Dins lo segond temps, los samoans ensagèron de remontar lo retard. Capitèron de marcar un ensag per Antòni Winterstein (58a). Una novèla penalitat de Wes Naiquama (70a) los teniá a distància e un ensag sus la còrna de Roqica confortava la victòria fijiana: 22-4.
De notar que lo Drac Darryl Millard jogava a la dobertura e que lo tolzan Vunekace èra dins lo paquet dels avants fijians.
Òm se trapa amb la meteissa configuracion per las mièjas finalas qu’en 2008. La Nòva Zelanda aviá batut Anglatèrra: 32-22; e Austràlia aviá ganhat contra Fiji: 52-0. Ongan, pel compte del primièr torn, lo 2 de novembre a Saint Helens, los Cangorós ganhèron 34-2. Ongan, aurem los meteisses resultats qu’en 2008 per una meteissa finala? Responsa dissabte de vèspre.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari