Actualitats
A tuat un òme e se n’es manjat lo còr e la lenga
Lo jove suspècte, interpelat e internat, veniá de servir 5 ans dins l’armada francesa e aviá fach de missions en Afganistan “de manièra normala”
Lo vilatge de Nolhan (País de Tarba) visquèt una istòria terribla dijòus passat de ser, après qu’un jove ataquèsse almens tres personas, en tot tuar un òme vièlh que se’n mangèt lo còr e la lenga.
Vèrs 20 oras, un jove sens ostal de 26 ans, originari de Tarba, intrèt en cò d’un òme de 90 ans e li fracassèt lo cran amb una barra de fèrre. Li auriá trach lo còr e la lenga per los cosinar e los manjar. Après auriá incendiat lo còrs. Un dels filhs de la victima, altertat per las flamas, contactèt los secorses.
Mentretant, l’agressor auriá pres lo menaire d’un tractor en li trencant l’espatla, encara amb la barra de fèrre, e seriá intrat dins un autre ostal abans de fugir. A l’entorn de 23 oras los gendarmas lo detenguèron.
Plaçat en gàrdia a vista, auriá declarat als enquestaires aver “obesit a un messatge d’origina superiora”. Segon los primièrs elements de l’enquèsta, que son arribats als mèdias, a pas cap de ligam amb las victimas e lo sol antecedent judiciari qu’aviá èra d’aver menat ebri. Èra pas tanpauc conegut pels servicis de psiquatria. Segon l’examen medical, èra en plen “deliri mistic”.
Lo presumit assassin, agressor e canibal, aviá servit fins a la fin d’octòbre, pendent 5 ans, dins l’armada francesa e aviá fach de missions en Afganistan.
Mas dins l’armada aviá passat “de manièra normala” los examens medicals. “Nos a pas pausat cap de problèma pendent son passatge”, çò declarèt lo comandament del regiment ont servissiá. Lo detengut aviá obtengut lo gra de caporal e participèt a totas las missions “de manièra normala”. Segon la meteissa font, lo presumit criminal auriá indicat qu’èra “segur de trobar un emplec per trabalhar dins lo domeni de la pintura”, al moment de quitar l’armada, fa mens d’un mes.
Lo procuraire de la republica a Tarba declarèt diluns passat que res permetiá pas en l’estat d’establir un “ligam” entre son ancian mestièr e los faches.
Lo cònsol del vilatge, Jean Duval, se diguèt “destimborlat” per aquel drama que tòca “ua de las familhas mei vielhas de la comuna, mei que mei hens un endreit ont tots se coneishen”.
Vèrs 20 oras, un jove sens ostal de 26 ans, originari de Tarba, intrèt en cò d’un òme de 90 ans e li fracassèt lo cran amb una barra de fèrre. Li auriá trach lo còr e la lenga per los cosinar e los manjar. Après auriá incendiat lo còrs. Un dels filhs de la victima, altertat per las flamas, contactèt los secorses.
Mentretant, l’agressor auriá pres lo menaire d’un tractor en li trencant l’espatla, encara amb la barra de fèrre, e seriá intrat dins un autre ostal abans de fugir. A l’entorn de 23 oras los gendarmas lo detenguèron.
Plaçat en gàrdia a vista, auriá declarat als enquestaires aver “obesit a un messatge d’origina superiora”. Segon los primièrs elements de l’enquèsta, que son arribats als mèdias, a pas cap de ligam amb las victimas e lo sol antecedent judiciari qu’aviá èra d’aver menat ebri. Èra pas tanpauc conegut pels servicis de psiquatria. Segon l’examen medical, èra en plen “deliri mistic”.
Lo presumit assassin, agressor e canibal, aviá servit fins a la fin d’octòbre, pendent 5 ans, dins l’armada francesa e aviá fach de missions en Afganistan.
Mas dins l’armada aviá passat “de manièra normala” los examens medicals. “Nos a pas pausat cap de problèma pendent son passatge”, çò declarèt lo comandament del regiment ont servissiá. Lo detengut aviá obtengut lo gra de caporal e participèt a totas las missions “de manièra normala”. Segon la meteissa font, lo presumit criminal auriá indicat qu’èra “segur de trobar un emplec per trabalhar dins lo domeni de la pintura”, al moment de quitar l’armada, fa mens d’un mes.
Lo procuraire de la republica a Tarba declarèt diluns passat que res permetiá pas en l’estat d’establir un “ligam” entre son ancian mestièr e los faches.
Lo cònsol del vilatge, Jean Duval, se diguèt “destimborlat” per aquel drama que tòca “ua de las familhas mei vielhas de la comuna, mei que mei hens un endreit ont tots se coneishen”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a de falabracs que tròban a èstre emplegats, quitament en temps de crisi.
Un canibal ? Es impossible, qu'ai manjat lo darrièr arser...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari