Actualitats
Acòrdi per restrénher lo programa nuclear iranian
Iran s’engatja a suspendre l’enriquiment d’urani en dessús de 5% e las poténcias mondialas s’engatjan a impausar pas mai de sancions
Après quatre jorns de negociacion sul programa nuclear d’Iran, lo grop 5+1 (los cinc membres permanents del Conselh de Seguretat de l’ÒNU amb Alemanha) e lo govèrn de Teheran arribèron ièr de matin a un acòrdi a Genèva (Arpitània) per clavar una crisi de fa mai de dètz ans. Après fòrça oras de blocatge sul drech d’Iran d’enriquir d’urani, fin finala, un pòrtavotz de la diplomacia europèa, Michael Mann, anoncièt lo principi d’un acòrdi per Twitter.
Alavetz, Iran e las sièis grandas poténcias mondialas son arribats a un engatjament per limitar lo programa nuclear del país. La cap de la diplomacia europèa, Catherine Ashton, qu’es tanben encargada de coordenar las negociacions, diguèt dins la vila arpitana que s’èran acordats per consens sus un plan d’accion, amb los ministres dels afars estrangièrs d’Iran, los Estats Units, China, Russia, lo Reialme Unit, França e Alemanha, çò que qualifiquèt d’“avançada fòrça significativa pel desvolopament de las relacions”. Se tracta del primièr pas per arribar a la comprenença definitiva d’aicí a sièis meses. D’aquel temps, Iran deu suspendre son plan de reactivament nuclear se vòl pas que las poténcias li impausen mai de sancions.
Segon aquel acòrdi, amb vigéncia de sièis meses, Iran poirà contunhar d’enriquir d’urani a un nivèl maximal de 5% e solament per usatge industrial, del temps que lo de nivèl pus naut se deu arturar per empachar la fabricacion d’armas atomicas. Iran se seriá engatjat maitot a dobrir pas lo reactor nuclear d’Arak fins d’aquí a sièis meses, qu’es encara en contruccion, nimai d’installacions d’enriquiment e de centrifugadoiras. De mai, los inspectors de l’Organisme Internacional de l’Energia Atomica auràn una permission especiala per accedir als sits que voldràn per i susvelhar l’implementacion de l’acòrdi. De son costat, lo grop de las sièis poténcias mondialas impausarà pas cap de sancion a Iran e suspendrà qualques embargs.
Protèsta d’Israèl
Sul pic, lo govèrn d’Israèl a plangut l’acòrdi. Lo primièr ministre, Benjamin Netanyahu, a dich que s’agís d’una “error istorica”, qu’es “un acòrdi marrit perque redutz las sancions mas desmantèla pas la capacitat iraniana d’obténer d’armas nuclearas”.
Segon Netanyahu, aquel acòrdi “permet al fanatic regim iranian de contunhar l’enriquiment d’urani e de manténer una partida plan significativa de sa maquinària nucleara”.
Alavetz, Iran e las sièis grandas poténcias mondialas son arribats a un engatjament per limitar lo programa nuclear del país. La cap de la diplomacia europèa, Catherine Ashton, qu’es tanben encargada de coordenar las negociacions, diguèt dins la vila arpitana que s’èran acordats per consens sus un plan d’accion, amb los ministres dels afars estrangièrs d’Iran, los Estats Units, China, Russia, lo Reialme Unit, França e Alemanha, çò que qualifiquèt d’“avançada fòrça significativa pel desvolopament de las relacions”. Se tracta del primièr pas per arribar a la comprenença definitiva d’aicí a sièis meses. D’aquel temps, Iran deu suspendre son plan de reactivament nuclear se vòl pas que las poténcias li impausen mai de sancions.
Segon aquel acòrdi, amb vigéncia de sièis meses, Iran poirà contunhar d’enriquir d’urani a un nivèl maximal de 5% e solament per usatge industrial, del temps que lo de nivèl pus naut se deu arturar per empachar la fabricacion d’armas atomicas. Iran se seriá engatjat maitot a dobrir pas lo reactor nuclear d’Arak fins d’aquí a sièis meses, qu’es encara en contruccion, nimai d’installacions d’enriquiment e de centrifugadoiras. De mai, los inspectors de l’Organisme Internacional de l’Energia Atomica auràn una permission especiala per accedir als sits que voldràn per i susvelhar l’implementacion de l’acòrdi. De son costat, lo grop de las sièis poténcias mondialas impausarà pas cap de sancion a Iran e suspendrà qualques embargs.
Protèsta d’Israèl
Sul pic, lo govèrn d’Israèl a plangut l’acòrdi. Lo primièr ministre, Benjamin Netanyahu, a dich que s’agís d’una “error istorica”, qu’es “un acòrdi marrit perque redutz las sancions mas desmantèla pas la capacitat iraniana d’obténer d’armas nuclearas”.
Segon Netanyahu, aquel acòrdi “permet al fanatic regim iranian de contunhar l’enriquiment d’urani e de manténer una partida plan significativa de sa maquinària nucleara”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sénher Cardenal
Es pas besonh d'èsser un iranian musulman per tocar pas la man o far un poton. Per exemple a vos, vos aguèsse ieu pas luènh de ieu, vos asseguri que vos donariái pas la man e encara mens vos potonojariái (benlèu un poton de Judah òc...).
E aquò auriá pas res a veire amb ma religion ( soi un catolic batejat non praticant) o ma nacionalitat...
a sieis ora e mieja dau matin, totei lei cadenas d'informacion continua nos anoncian l'acord e nos mostra leis imatges que totei lei ministres negociators se congratulan, n'i a que s'estrenhon, d'autres que se quichan vigorosament la man e totei fan de potons a la delegada europenca Alsthom qu'ambe sei dents que li sorton dona d'èr a un coniu ( rabbit, of corse ), totis ? a levat un lo delegat de la republica islamica d'Iran, que se ten a distància, la potoneja pas e li para pas soncament la man..... de bon que l'aguèsson pas forçada de se metre un mocador sus la tèsta per negociar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari