Dos òmes, actualament cercats per la polícia, lancèron en Garona una femna de 67 ans dimècres passat, de ser, a Tolosa. “Ma maire es una miraculada perque ela sap pas nadar. Me demandi cossí se’n poguèt sortir dins una Garona a tres gras e totalament en crescuda”, çò disiá un filh de la victima a Le Figaro.
Segon lo jornal francés, dimècres de vèspre, aquela retirada que viu en Albigés patiguèt l’agression. Dos òmes li aurián demanat de fuòc, puèi una cigarreta. “Aviá de fuòc mas pas de cigarretas perque aviá arrestat de fumar dempuèi tres setmanas”, çò disiá lo filh, qu’explicava que lo ton de la discussion montèt plan rapidament, eles li diguèron “vièlha pèl” e la lancèron dins Garona “mentre que risián”.
La femna, que mesura 1,55 mètre e pesa 45 quilos, auriá perdut coneissença abans de derivar mai de 800 mètres, emportada per la fòrta corrent de l’aiga.
La salvèt un pompièr que sautèt dins l’aiga glaçada, alertat per un vesin qu’agachava la crescuda del flume. Una ambulància los esperava al Cai de la Daurada e los menèt a l’Espital Purpan. La femna èra dins una estat d’ipotermia avançat.
Qualques oras puèi n’explicariá l’istòria als enquestaires. Los policièrs son convencuts de la veracitat dels faches e an lançat una crida a testimònis. La brigada criminala de Tolosa es en carga de l’enquèsta.
Dempuèi divendres passat, la femna es ja dins son ostal en Albigés, encara jol chòc. “A enveja de desmembrar aquela marrida istòria”, çò ditz son filh.
Segon lo jornal francés, dimècres de vèspre, aquela retirada que viu en Albigés patiguèt l’agression. Dos òmes li aurián demanat de fuòc, puèi una cigarreta. “Aviá de fuòc mas pas de cigarretas perque aviá arrestat de fumar dempuèi tres setmanas”, çò disiá lo filh, qu’explicava que lo ton de la discussion montèt plan rapidament, eles li diguèron “vièlha pèl” e la lancèron dins Garona “mentre que risián”.
La femna, que mesura 1,55 mètre e pesa 45 quilos, auriá perdut coneissença abans de derivar mai de 800 mètres, emportada per la fòrta corrent de l’aiga.
La salvèt un pompièr que sautèt dins l’aiga glaçada, alertat per un vesin qu’agachava la crescuda del flume. Una ambulància los esperava al Cai de la Daurada e los menèt a l’Espital Purpan. La femna èra dins una estat d’ipotermia avançat.
Qualques oras puèi n’explicariá l’istòria als enquestaires. Los policièrs son convencuts de la veracitat dels faches e an lançat una crida a testimònis. La brigada criminala de Tolosa es en carga de l’enquèsta.
Dempuèi divendres passat, la femna es ja dins son ostal en Albigés, encara jol chòc. “A enveja de desmembrar aquela marrida istòria”, çò ditz son filh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un miracle que siá encara en vida la paura femna !
"D'ara enlà", "Qualques balas dins la pèl"… Non gausi mai contunha la colleccion, que la realitat despassa la ficcion. Paure mond…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari