Mercés ad aqueth succès deus landés, lo trinquet de Sent Martin de Senhans qu’estot causit per le societat basca Innpala tà i arcuélher espròvas de l’Open Internacionau de Pala, juntament e a egalitat dab quate lòcs màgers d’Euskadi: Bilbao/Bilbo, Sestao, Zarautz e Armintza. En aqueth tornei que i participan 8 equipas. Que son vienuts deu Bascoat (Guipuscoa, Biscaia e Navarra), de l’Argentina, de Cuba, de l’Espanha non basca shetz oblidar los nòstes gascons de Senhans . Peu moment, au cap deu quatau jorn de competicion, le classificacion que sort atau: 1- Argentina (Fusto-Skufça) 2-Iberia (Galán-Garma) 3-Gasconha (Elizondo-Bélestin) 4-Biscaia1 (Gaubeka-Larriñaga) 5-Biscaia2 (Urkijo-Imanol),6- Navarra (Altadill-Ibargarai) 7-Cuba (Acanda-Luján), 8-Guipuscoa (Oyarzabal-Ayerbe) . Le cincau jornada de competicion que’s debanarà a Sent Martin lo dissabte don vien, 26 de mai. A 17h, los nòstes dus gascons que’s confrontaràn dab los guipuscoans. Si n’atz le possibilitat, vénguitz-i tà’us encoratjar! Lo tiquet d’entrada còsta sonque 5 euros, qu’es gratis entaus menors.

 

De notar Tarba (Bigòrra) qu’arcuelherà deu 28 d’octobre au 3 de noveme de 2012 lo campionat mondiau de pelòta au fronton hens le categoria espèr (mensh de 22 ans), mentre a Pampalona (Navarra) que s’i debanarà le cincau copa deu món de pelòta au trinquet enter lo 27 d’aost e lo 1er de seteme. 

Gerard Loison