Actualitats
Escòcia declararà l’independéncia lo 24 de març de 2016 se ganha l’òc al referendum
O detalha lo Libre Blanc que lo govèrn escocés publicarà uei
Lo 24 de març de 2016 es la data que lo govern escocés fixa per declarar formalament l’independéncia a respècte de la Grand Bretanha, se ganha l’òc al referendum del 18 de setembre venent. Ansin o a revelat la viceprimièra ministra escocesa, Nicola Sturgeon (vidèo). La data es inclusa en un Libre Blanc sus l’independéncia, que se presentarà dimars a Glasgow. Lo document, de 670 paginas, inclutz fòrça detalhs sus Escòcia en cas que trionfe l’òc a la consulta de l’an que ven.
“Aquesta guida cap a una Escòcia independenta serà lo plan mai complet e detalhat d’aquestas caracteristicas que se siá jamai publicat”, segon Sturgeon, que lo considèra coma “un document istoric que se i expausa los arguments economics, socials e democratics de l’independéncia”.
“Demòstra la fortalesa economica d’Escòcia e detalha coma devendrem independents: las negociacions, preparatius e acòrdis requerits durant lo periòde de transicion a partir del vòte sus l’independéncia de setembre venent fins a nòstra propòsta de jorn de l’independéncia, lo 24 de març de 2016, just a temps per las primièras eleccions d’un parlament escocés independent, en mai d’aquel an d’ailà.”
Lo 24 de març es l’anniversari de la signatura de l’Acte d’Union, que definís los tèrmes de l’union entre Anglatèrra e Escòcia dempuèi 1707.
“Aquesta guida cap a una Escòcia independenta serà lo plan mai complet e detalhat d’aquestas caracteristicas que se siá jamai publicat”, segon Sturgeon, que lo considèra coma “un document istoric que se i expausa los arguments economics, socials e democratics de l’independéncia”.
“Demòstra la fortalesa economica d’Escòcia e detalha coma devendrem independents: las negociacions, preparatius e acòrdis requerits durant lo periòde de transicion a partir del vòte sus l’independéncia de setembre venent fins a nòstra propòsta de jorn de l’independéncia, lo 24 de març de 2016, just a temps per las primièras eleccions d’un parlament escocés independent, en mai d’aquel an d’ailà.”
Lo 24 de març es l’anniversari de la signatura de l’Acte d’Union, que definís los tèrmes de l’union entre Anglatèrra e Escòcia dempuèi 1707.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 « Dins l'encastre euròpenc, ciutadenc , durabla, perena e ecologica » ? Somiatz, Manjacostel ! Euròpa es venduda als capitalistas mondialistas que se chautan de tota ciutadanetat, de tot critèri ecologic, peren e duradís, que tafurariá tant foguès pauc sa sacrosanta puta de "libertat" d'entrepréner, a la risca d'o far tot petar per non daissar pas la plaça al vesin dins sa corsa destimbrolada al profièit financièr corta-vista. Ecologica, Euròpa ? Ciutadana, Euròpa ? Perqué pas, Mas se va caler botar a l'òbra, per o complir aital, e lor ficar pel nas una revolucion de las radicalas !
Bon… aquò dit, soi plan d'acòrdi amb vos : un estat occitan (o occitanocatalan) lo bastirem. O, mai exactament, lo bastirem e, se que non, ne crebarem. E crebarem Franceses…
Es pas curios l'avenidor? Mas se tomban pas las teulas del cèl, de las nivols , nosautres un jorn tanben ! dedins l'encastre euròpenc, ciutadenc , durabla, perena e ecologica . Subretot logica!
Que cal respectar lo vocabulari del sègles XXI O XXII , que m'en soveni pas tròp, e seguir la mòda !
Mas macarèl de que fan los bascas?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari