VamCats, l’entrepresa que fa de cauçaduras revendicativas en favor de l’independéncia de Catalonha, a lançat una nòva linha de cauçaduras amb la bandièra occitana. Aquel modèl fa partida de la colleccion VamFlags, que prepausa tanben de cauçaduras amb lo drapèl basco, amb lo catalan (parièr a l’aragonés e al provençal), e que s’apond als tradicionals modèls amb l’estelada, lo simbòl de l’independentisme catalan.
 
Per la version occitana de sas cauçaduras revendicativas, VamCats a recuperat la cauçadura creada per festejar la 20a edicion de la corsa Aran per sa Lengua. A l’ocasion d’aquel eveniment, en mai de la camiseta de la corsa, lo collectiu Lengua Viua, promotor de la corsa, demandèt a l’entrepresa catalana VamCats la creacion de cauçaduras esportivas amb la crotz occitana.