Aprèp aver assistit al rescontre extraordinari entre Anglatèrra e la Nòva Zelanda, segur que la segonda mièja finala de dissabte a Wembley entre australians e fijians agèt pas la meteissa intensitat. Greg Inglis jogava a l’arrièr dins la formacion australiana, en rason de la nafradura de Billy Slatter.
Lo public anglés manifestèt son sosten a la formacion fijiana que se lancèt d’un biais volontarista dins la partida sens res renegar de sas volontats ofensivas. Cada ataca blava joslevava los crits del public, sotalinhats de picars de las mans.
Los Cangorós daissèron passar l’auratge que lor i semblèt una pichona ramada, puèi se metèron a trapar de traucs dins la defensa advèrsa. Marquèron tres ensags abans la vintena minuta e ne rajustèron tres de mai abans la pausa.
Lo segond temps foguèt lo meteis sicut erat. Los fijians contunhèron de jogar, de faire circular la pauma mas se pòt pas comptar sus un verd e jaune per aver un movement d’amistat e daissar marcar l’adversari per l’onor! De son costat, los Cangorós aumentèron lor capital ofensiu de cinc ensags de mai. E encara, en fin de partida, tombèron dins la facilitat: se metèron a jogar a la baleta, a redoblar (o triplar) las passas, a ensajar de còps de pè alambicats en plaça de faire simple e aquò se tradusiguèt per unas paumas perdudas. 64-0 a la fin, una marca mai bèla qu’a la mièja finala de 2008 (52-0) o qu’en rescontre de pola ongan (34-2).
Los australians marquèron en tot onze ensags, que Thurston ne transformèt dètz. Lo centre Jarryd Hayne se senhalèt amb tres realizacions (ne fa nòu dempuèi la debuta de la competicion) e son alièr Boyd marquèt, el, dos còps.
Dins l’afar, lo Tolosa Olimpic va pèrdre son pilar fijian Eloni Vunakece que deuriá signar en Superliga cò d’Hull FC.
Pels australians, lo mai gròs talhon demòra: los neozelandeses dissabte a Manchester. La meteissa finala qu’en 2000 e 2008, mas amb la volontat de tornar menar lo trofèu abandonat lo còp passat a l’ostal. Los australians son los melhors, mas an pas jogat de gròssa partida dempuèi lo rescontre de dobertura contra Anglatèrra. Aquò pòt jogar o non? Çò qu’es segur es que las doas formacions dintraràn amb una totala determinacion sus la pelena de Manchester per l’apoteòsi finala.
Lo comitat d’organizacion pòt èsser satisfait: 70 000 plaças foguèron mesas en venda pel Big Hit londinenc e 67 545 trapèron preneires.
Alan Roch
Lo public anglés manifestèt son sosten a la formacion fijiana que se lancèt d’un biais volontarista dins la partida sens res renegar de sas volontats ofensivas. Cada ataca blava joslevava los crits del public, sotalinhats de picars de las mans.
Los Cangorós daissèron passar l’auratge que lor i semblèt una pichona ramada, puèi se metèron a trapar de traucs dins la defensa advèrsa. Marquèron tres ensags abans la vintena minuta e ne rajustèron tres de mai abans la pausa.
Lo segond temps foguèt lo meteis sicut erat. Los fijians contunhèron de jogar, de faire circular la pauma mas se pòt pas comptar sus un verd e jaune per aver un movement d’amistat e daissar marcar l’adversari per l’onor! De son costat, los Cangorós aumentèron lor capital ofensiu de cinc ensags de mai. E encara, en fin de partida, tombèron dins la facilitat: se metèron a jogar a la baleta, a redoblar (o triplar) las passas, a ensajar de còps de pè alambicats en plaça de faire simple e aquò se tradusiguèt per unas paumas perdudas. 64-0 a la fin, una marca mai bèla qu’a la mièja finala de 2008 (52-0) o qu’en rescontre de pola ongan (34-2).
Los australians marquèron en tot onze ensags, que Thurston ne transformèt dètz. Lo centre Jarryd Hayne se senhalèt amb tres realizacions (ne fa nòu dempuèi la debuta de la competicion) e son alièr Boyd marquèt, el, dos còps.
Dins l’afar, lo Tolosa Olimpic va pèrdre son pilar fijian Eloni Vunakece que deuriá signar en Superliga cò d’Hull FC.
Pels australians, lo mai gròs talhon demòra: los neozelandeses dissabte a Manchester. La meteissa finala qu’en 2000 e 2008, mas amb la volontat de tornar menar lo trofèu abandonat lo còp passat a l’ostal. Los australians son los melhors, mas an pas jogat de gròssa partida dempuèi lo rescontre de dobertura contra Anglatèrra. Aquò pòt jogar o non? Çò qu’es segur es que las doas formacions dintraràn amb una totala determinacion sus la pelena de Manchester per l’apoteòsi finala.
Lo comitat d’organizacion pòt èsser satisfait: 70 000 plaças foguèron mesas en venda pel Big Hit londinenc e 67 545 trapèron preneires.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a tanben : http://www.livestream365.com/tr/
Ei un siti turc fòrça plan que retransmet lo XIII (E pas sonque ...)
Partida Anglatèrra-NZ de tornar véser aqueste dimars a 11h45 sus BeinSport-2.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari