Dau 25 au 29 de mai, lo congrès annadier dau Felibrige se debanarà dins la vila de Sent Iriès (País de la Vinhana). Serà la siesesma vetz que los felibres se reünisson en Lemosin.
La Santa Estella es lo congrès dau Felibrige que se debana chade an dins una vila occitana diferenta. Nos rapela que Mistral e los primadiers, los prumiers felibres, se reünigueron jos lo patronatge de quela senta quand fonderon lo movement lo 21 de mai 1854 au chasteu de Fòntsegunha.
Quatre cents congressitas son esperats. Per la conselhiera municipala delegada a la cultura, Michèle Roy, çò important es l’impacte economic de l’eveniment que fai descubrir una vila mai una region. Pòrta onor a la cultura lemosina tant per sas tradicions coma per son industria o sa literatura : mostradas sus lo costume e las coifas, la chabreta, los escrivans, conferéncia sus la cosina, lo caolin e la porcelana. Quatre espectacles esperan lo public : un concert de Nadau, precedat d’un dançadís menat per lo grop locau Tres per doS, la tradicionala cort d’amor presidada per Angelica Marçais, vintesma reina dau Felibrige, un espectacle son e lum presentat per l’escòlas felibrencas dau Lemosin e la peça de teatre Coijat dins mon borrilh de l’escòla felibrenca Albert Pestor.
Quatre cents congressitas son esperats. Per la conselhiera municipala delegada a la cultura, Michèle Roy, çò important es l’impacte economic de l’eveniment que fai descubrir una vila mai una region. Pòrta onor a la cultura lemosina tant per sas tradicions coma per son industria o sa literatura : mostradas sus lo costume e las coifas, la chabreta, los escrivans, conferéncia sus la cosina, lo caolin e la porcelana. Quatre espectacles esperan lo public : un concert de Nadau, precedat d’un dançadís menat per lo grop locau Tres per doS, la tradicionala cort d’amor presidada per Angelica Marçais, vintesma reina dau Felibrige, un espectacle son e lum presentat per l’escòlas felibrencas dau Lemosin e la peça de teatre Coijat dins mon borrilh de l’escòla felibrenca Albert Pestor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari