Lo Senat italian aprovèt arser l’expulsion de la cambra de l’èx-primièr ministre Silvio Berlusconi pr’amor de sa condemna per fraudariá fiscala. La Cort Suprèma confirmèt l’estiu passat la condemna de quatre ans de preson que lo Tribunal Penal de Milan aviá dictat arunan. En aquela condemna l’inabilitavan tanben pendent tres ans per exercir quina carga publica que siá, mas lo Tribunal Suprèm refusèt aquela segonda part de la senténcia.
 
Lo Senat a aplicat la dicha Lei Severino, qu’establís lo vèto de participar a d’eleccions e l’expulsion del parlament pendent sièis ans als condemnats a mai de dos ans de preson. Es aital que Berlusconi cèssa d’aver l’immunitat.
 
Mentre que la cambra votava, Berlusconi compareissiá davant de milièrs de seguidors en un acte ont qualifiquèt la jornada coma “jorn de dòl per la democracia”.