Actualitats
Se clava uèi a Barcelona la Mòstra de Cinèma Occitan 2013
Lenga d’Amor, lo filme documentari de Patric Lavaud, que mòstra los remembres de la vida en Peiregòrd, clavarà uèi la seisena edicion de la Mòstra de Cinèma Occitan a la Filmotèca de Barcelona.
La Mòstra, que comencèt a Lhèida lo 18 de junh passat, s’acaba ongan après vesitar 19 vilas de Catalonha e Occitània, uèch de mai qu’arunan. Al delà, doas sessions de mai se debanaràn a Lhèida fòra calendièr.
“Ongan sèm plan contents pr’amor que, malgrat las dificultats economicas de la Generalitat de Catalonha, la mòstra es arribada a mai de localitats”, çò a dich a Jornalet Xavier Moral, responsable en carga de l’occitan dins la Direccion Generala de la Politica Lingüistica del govèrn de Catalonha. En mai d’aquò, “tocant Occitània, la Mòstra es arribada a tres estats: l’espanhòl, lo francés e l’italian”, çò a apondut Moral, en tot especificar qu’ongan “la Mòstra s’es adaptada a la convenença de cada localitat”.
“Avèm aumentat la difusion de la lenga e de la cultura occitanas, mai que mai en Catalonha, ont o nos cal far segon la Lei de l’Occitan, Aranés en Aran”, çò a dich Moral, en soslinhant que “la Mòstra a una granda valor qualitativa” e qu’es “un grand esplech per far present l’occitan e difusar sa realitat”.
La Mòstra de Cinèma Occitan ofrís cada an una vision panoramica de la lenga occitana a travèrs de las creacions audiovisualas. Quant als genres, i predomina lo documentari, entre d’autras formas d’expression cinematografica.
Organiza la Mòstra lo Departament de la Cultura de la Generalitat de Catalonha, amb la collaboracion d’institucions e d’entrepresas catalanas e occitanas que facilitan sa preséncia en territòri occitan e catalan. L’objectiu es de promòure la coneissença de la realitat de la lenga occitana en Catalonha e de l’impulsar dins la creacion cinematografica.
Vaquí una de las faiçons amb las qualas lo govèrn de Catalonha suènha l’occitan coma lenga oficiala del país.
La Mòstra, que comencèt a Lhèida lo 18 de junh passat, s’acaba ongan après vesitar 19 vilas de Catalonha e Occitània, uèch de mai qu’arunan. Al delà, doas sessions de mai se debanaràn a Lhèida fòra calendièr.
“Ongan sèm plan contents pr’amor que, malgrat las dificultats economicas de la Generalitat de Catalonha, la mòstra es arribada a mai de localitats”, çò a dich a Jornalet Xavier Moral, responsable en carga de l’occitan dins la Direccion Generala de la Politica Lingüistica del govèrn de Catalonha. En mai d’aquò, “tocant Occitània, la Mòstra es arribada a tres estats: l’espanhòl, lo francés e l’italian”, çò a apondut Moral, en tot especificar qu’ongan “la Mòstra s’es adaptada a la convenença de cada localitat”.
“Avèm aumentat la difusion de la lenga e de la cultura occitanas, mai que mai en Catalonha, ont o nos cal far segon la Lei de l’Occitan, Aranés en Aran”, çò a dich Moral, en soslinhant que “la Mòstra a una granda valor qualitativa” e qu’es “un grand esplech per far present l’occitan e difusar sa realitat”.
La Mòstra de Cinèma Occitan ofrís cada an una vision panoramica de la lenga occitana a travèrs de las creacions audiovisualas. Quant als genres, i predomina lo documentari, entre d’autras formas d’expression cinematografica.
Organiza la Mòstra lo Departament de la Cultura de la Generalitat de Catalonha, amb la collaboracion d’institucions e d’entrepresas catalanas e occitanas que facilitan sa preséncia en territòri occitan e catalan. L’objectiu es de promòure la coneissença de la realitat de la lenga occitana en Catalonha e de l’impulsar dins la creacion cinematografica.
Vaquí una de las faiçons amb las qualas lo govèrn de Catalonha suènha l’occitan coma lenga oficiala del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo film de Patric Lavaud arriba a La Reunion. Serà projectat aqueste dissabte 30 de novembre a 4 oras del vèspre (16 h) a Lespas Leconte de Lisle de Saint Paul en preséncia de Patric Lavaud e d'Axel Gauvin, president de Lofis de la lenga reunionesa.
una lenga es una riquesa de la natura pas de la republica
Ei lo filme tot o un extrèit, sonque ?
Quina bèra gens ! E quin beròi filmòt qui nos las hè aimar !
Mercés a Patric La Vau e a Jornalet per aquestes mots d'amor !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari