Actualitats
Lo Jorn d’Accion de Gràcias… o de las Lamentacions?
L’associacion dels Amerindians Units de Nòva Anglatèrra (United American Indians of New England) protèsta dempuèi l’an 1970 contra lo “genocidi” perpetrat pels colons europèus arribats en America del Nòrd
Coma cada quatren dijòus de novembre, dijòus passat, los Estats Units se paralisèron per celebrar lo tradicional Thanksgiving (Jorn d’Accion de Gràcias, la principala festivitat de caractèr familial a l’entorn d’una piòta a taula. La legenda n’establís l’origina pendent l’arribada dels primièrs colons puritans angleses, a bòrd del mitic vaissèl Mayflower, a la Colònia de Plymouth (Nòva Anglatèrra) en 1620: capitèron de superar lo primièr ivèrn dur mercés a las noiriduras cedidas pel pòble wampanoag, e mercegèron lor generositat l’an seguent amb un repais fraternal. L’associacion dels Amerindians Units de Nòva Anglatèrra (United American Indians of New England, UAINE), dempuèi l’an 1970, “se lamenta” cada an a Plymouth per aquela vision “tròp idillica” de la fèsta.
Dempuèi quaranta quatre ans, los primièrs pòbles nòrd-americans s’amassan a miègjorn al Cole’s Hill de Plymouth per commemorar lo Jorn Nacional de las Lamentacions en escasença de del Jorn d’Accion de Gràcias als Estats Units. “Fòrça nadius americans vòlon pas celebrar l’arribada dels «paires pelegrins» del Mayflower e dels autres colons europèus. Lo Jorn d’Accion de Gràcias nos remembra lo genocidi de milions d’individús de las nòstras gents, del panatòri de las nòstras tèrras e de l’atac implacable de la nòstra cultura”, çò ditz lo manifèst de l’UAINE, qu’apond que “los participants al Jorn de las Lamentacions vòlon onorar los nòstres aujòls e la lucha actuala dels pòbles primièrs per subreviure. Es un jorn de remembre e de connexion esperitala, e tanben una protèsta contra lo racisme e l’opression que los nadius americans experimentan encara”.
L’accion de l’UAINE se consagra especificament al presonièr politic lakota Leonard Peltier, membre del Movement Amerindian (American Indian Movement, AIM), condemnat en 1975 dins un jutjament sens garentidas per son implicacion presumida en la mòrt de dos agents de l’FBI dins la resèrva de Pine Ridge (Dakota del Sud). Lo sieu cas se compara sovent amb lo del jornalista afroamerican Mumia Abu Jamal, condemnat tanben, pel supausat assassinat d’un agent de polícia, a la pena de mòrt (commudada per empresonament a perpetuitat), malgrat las nombrosas irregularitats de l’acusacion.
Dempuèi quaranta quatre ans, los primièrs pòbles nòrd-americans s’amassan a miègjorn al Cole’s Hill de Plymouth per commemorar lo Jorn Nacional de las Lamentacions en escasença de del Jorn d’Accion de Gràcias als Estats Units. “Fòrça nadius americans vòlon pas celebrar l’arribada dels «paires pelegrins» del Mayflower e dels autres colons europèus. Lo Jorn d’Accion de Gràcias nos remembra lo genocidi de milions d’individús de las nòstras gents, del panatòri de las nòstras tèrras e de l’atac implacable de la nòstra cultura”, çò ditz lo manifèst de l’UAINE, qu’apond que “los participants al Jorn de las Lamentacions vòlon onorar los nòstres aujòls e la lucha actuala dels pòbles primièrs per subreviure. Es un jorn de remembre e de connexion esperitala, e tanben una protèsta contra lo racisme e l’opression que los nadius americans experimentan encara”.
L’accion de l’UAINE se consagra especificament al presonièr politic lakota Leonard Peltier, membre del Movement Amerindian (American Indian Movement, AIM), condemnat en 1975 dins un jutjament sens garentidas per son implicacion presumida en la mòrt de dos agents de l’FBI dins la resèrva de Pine Ridge (Dakota del Sud). Lo sieu cas se compara sovent amb lo del jornalista afroamerican Mumia Abu Jamal, condemnat tanben, pel supausat assassinat d’un agent de polícia, a la pena de mòrt (commudada per empresonament a perpetuitat), malgrat las nombrosas irregularitats de l’acusacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 " adara son menadas fòrça obras e aviats estudis ....."
En las Antilhas "pichonas", es tot au contra. Adara son menadas força estudis per conéisher milhor las civilizacions amerindianas e valorizar tot çò que ne susviu en lo biais de víver actuau de la populacion generala, pr'amor qu'èran eths que sabèvan lo país qu'an ensenhat força causas per las plantas, las culturas... aus Europèus e aus Africans qu'arribavan .
Garifunas ( o Kalinas ) - que lo C.Colomb aperèt "Caraïbes"o "Caribes" per mau-saber - vivéren en mantunas islas de las Antilhas pichonas, en d'endrets un chic retirats, dinc a la fin deu segle XIX o debuta deu segle XX. Chic a chic se son meilats au demei de la populacion negra. Lavetz adara
fòrça monde son fièrs de los aujòus Kalinas e de díser que ne son los arre-hilhs.
N'i a enquèra en l'Isla de Dominica . Son fièrs de çò que son, encontren los que víven en las Guaianas,
e participan damb plaser a tots los estudis de las civilizacions amerindianas.
« Indians de totas las colors, descolonizarem la tèrra ! Montsegur, te dreiças pertot ! »
Cf. Claudi Martí y Salazar (Mercés a el).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari