Coma en 2000, es l’estadi d’Old Trafford que reçauprà la finala de la Copa del Monde del XIII aqueste dissabte.
Lo nom de l’estadi es, de segur, associat a aquel de Manchester United, vist que l’esquipa de fotbòl i jòga dempuèi 1909 (data de sa construccion). Lo grand jogaire Bobby Charlton a balhat a l’estadi l’escais de Teatre dels Sòmis. L’estadi es plan conegut dels tretzistas, vist que, dempuèi l’espelison de la Superliga en 1998, reçaup cada an la finala de la competicion.
Dins sa configuracion actuala, l’estadi pòt reçaupre unes 70 000 espectators.
L’idèa primièra dels bastidors èra un estadi per 100 000 espectators. La capacitat prevista foguèt redusida a 80 000. La primièra partida opausèt Manchester e Liverpool, lo 19 de febrièr de 1910, e los vesitaires ganhèron 4-3.
Abans la bastison de Wembley, la finala de la Cup anava d’un estadi a l’autre e Old Trafford n’organizèt tre 1911.
L’estadi coneis una primièra renovacion en 1936. A la debuta de la guèrra de 39-45, l’armada anglesa s’avisa d’utilizar l’estadi coma depaus. Consequéncia: los alemands lo bombardan, en decembre de 40 e març de 41.
Manchester United deguèt anar jogar cò de sos vesins de Manchester City entre 1941 e 1949.
L’estadi, non cobèrt, repren vida lo 24 d’agost de 1949 per una victòria de Manchester United fàcia a Bolton: 3-0.
A partir de 1951, de tets cobrisson los espectators e los projectors son meses en plaça en 1957. L’estadi coneisserà d’autras modificacions per reçaupre la Copa del Monde de 1966. S’anirà puèi cap a un estadi amb pas que de plaças assèitas. L’estadi es encara renovat per reçaupre l’Èuro 1996. En 2003, Milan AC e la Juve i disputan la finala de la Liga dels Campions. Del temps que Wembley se torna bastir, Old Trafford reçaup dotze partidas de l’esquipa anglesa de fotbòl. Se sòmia de portar la capacitat de l’estadi a 95 000 espectators, per èsser mai grand que Wembley!
Cal notar una granda inventivitat pel nom de las quatre tribunas que se dison: Oèst, Sud, Èst e Nòrd (que se deuriá sonar Sir Alex Ferguson)!
Lo primièr rescontre de XIII jogat dins l’estadi, contra un cinquen de la recèpta balhat al club de fotbòl, se ten entre la Nòva Zelanda e Lancashire dins la sason 1924-1925. Salford e Leeds benefícian dels projectors tot nòus per un rescontre de campionat de la sason 1958. Lo primièr test-match organizat a Manchester vei Austràlia batre los britanics 38-16 en 1986. En octobre de 1989, Widnes ganha la Copa del Monde dels clubs contra los Canberra Raiders 30-18. La finala de la Copa del Monde de 2000, entre Austràlia e la Nòva Zelanda, se debana a Old Trafford. En 2006, la finala de Superliga entre St. Helens e Hull FC foguèt seguida per 72 582 espectators. L’estadi vesin de Manchester City (Etihad Stadium) tornarà reçaupre al mes de mai la Dimenjada Magica de la Superliga.
L’estadi a fins ara reçauput gaire de partidas del cosin quinzista (las pelenas prèsan gaire los rucks e autras mesclanhas dobèrtas e tampadas) mas l’estadi deuriá èsser de la tièra dels luòcs de partidas per la Copa del Monde dels XV en 2015.
La gara pròche l’estadi es dobèrta solament los jorns de partida!
Un musèu del Manchester United, amb una cordelada de trofèus, se trapa dins l’estadi, mas en vila se pòt tanben vistalhar 7 jorns sus 7 un musèu del fotbòl: lo National Football Museum!
A Manchester, los mercats de Nadal son dobèrts dempuèi lo 15 de novembre, mas per qual passarà l’Òme Nadal aqueste dissabte?
Alan Roch
Lo nom de l’estadi es, de segur, associat a aquel de Manchester United, vist que l’esquipa de fotbòl i jòga dempuèi 1909 (data de sa construccion). Lo grand jogaire Bobby Charlton a balhat a l’estadi l’escais de Teatre dels Sòmis. L’estadi es plan conegut dels tretzistas, vist que, dempuèi l’espelison de la Superliga en 1998, reçaup cada an la finala de la competicion.
Dins sa configuracion actuala, l’estadi pòt reçaupre unes 70 000 espectators.
L’idèa primièra dels bastidors èra un estadi per 100 000 espectators. La capacitat prevista foguèt redusida a 80 000. La primièra partida opausèt Manchester e Liverpool, lo 19 de febrièr de 1910, e los vesitaires ganhèron 4-3.
Abans la bastison de Wembley, la finala de la Cup anava d’un estadi a l’autre e Old Trafford n’organizèt tre 1911.
L’estadi coneis una primièra renovacion en 1936. A la debuta de la guèrra de 39-45, l’armada anglesa s’avisa d’utilizar l’estadi coma depaus. Consequéncia: los alemands lo bombardan, en decembre de 40 e març de 41.
Manchester United deguèt anar jogar cò de sos vesins de Manchester City entre 1941 e 1949.
L’estadi, non cobèrt, repren vida lo 24 d’agost de 1949 per una victòria de Manchester United fàcia a Bolton: 3-0.
A partir de 1951, de tets cobrisson los espectators e los projectors son meses en plaça en 1957. L’estadi coneisserà d’autras modificacions per reçaupre la Copa del Monde de 1966. S’anirà puèi cap a un estadi amb pas que de plaças assèitas. L’estadi es encara renovat per reçaupre l’Èuro 1996. En 2003, Milan AC e la Juve i disputan la finala de la Liga dels Campions. Del temps que Wembley se torna bastir, Old Trafford reçaup dotze partidas de l’esquipa anglesa de fotbòl. Se sòmia de portar la capacitat de l’estadi a 95 000 espectators, per èsser mai grand que Wembley!
Cal notar una granda inventivitat pel nom de las quatre tribunas que se dison: Oèst, Sud, Èst e Nòrd (que se deuriá sonar Sir Alex Ferguson)!
Lo primièr rescontre de XIII jogat dins l’estadi, contra un cinquen de la recèpta balhat al club de fotbòl, se ten entre la Nòva Zelanda e Lancashire dins la sason 1924-1925. Salford e Leeds benefícian dels projectors tot nòus per un rescontre de campionat de la sason 1958. Lo primièr test-match organizat a Manchester vei Austràlia batre los britanics 38-16 en 1986. En octobre de 1989, Widnes ganha la Copa del Monde dels clubs contra los Canberra Raiders 30-18. La finala de la Copa del Monde de 2000, entre Austràlia e la Nòva Zelanda, se debana a Old Trafford. En 2006, la finala de Superliga entre St. Helens e Hull FC foguèt seguida per 72 582 espectators. L’estadi vesin de Manchester City (Etihad Stadium) tornarà reçaupre al mes de mai la Dimenjada Magica de la Superliga.
L’estadi a fins ara reçauput gaire de partidas del cosin quinzista (las pelenas prèsan gaire los rucks e autras mesclanhas dobèrtas e tampadas) mas l’estadi deuriá èsser de la tièra dels luòcs de partidas per la Copa del Monde dels XV en 2015.
La gara pròche l’estadi es dobèrta solament los jorns de partida!
Un musèu del Manchester United, amb una cordelada de trofèus, se trapa dins l’estadi, mas en vila se pòt tanben vistalhar 7 jorns sus 7 un musèu del fotbòl: lo National Football Museum!
A Manchester, los mercats de Nadal son dobèrts dempuèi lo 15 de novembre, mas per qual passarà l’Òme Nadal aqueste dissabte?
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari