(De nòstre enviat especial a Manchester)
Sold out: Old Trafford afichava complet (70 608 espectators) per la finala de la Copa del Monde de XIII entre Austràlia e la Nòva Zelanda aqueste dissabte de vespre, jol solelh anglés (e òc!).
Quauques centenats d’occitans e de catalans èran dins las tribunas. Quand se crosavan, doas frasas clau: “Ten, siás aquí!” e lo “Te’n sovenes?”, prometeire de longs escambis e de còps a beure amassa!
Lo cantaire dels imnes aviá ja interpretat de cançons davant The Queen, lo Papa e lo Baraquet Obama. Aquò per dire que lo XIII es tant important coma los Grands que se creson de governar lo Monde. Levat qu’elis pensan que la planeta es redonda, alara que nosauts sabèm plan qu’es ovala!
Tot èra en plaça pel grand final tant esperat. Tot? A un detalh prèp, e d’importància. Los Cangorós èran pas brica partesans del meteis debanament que lo de la mièja finala de la setmana passada entre la Nòva Zelanda e Anglatèrra! De mai, tenián mai que tot a prene lo revenge de la finala de 2008. Sul tresen tengut, un pilar Negre daissava tombar la pauma. Al cap e de cinc minutas, los Kiwis perdián una ala (sus nafradura). Lo ton de la vesprada èra balhat; los australians s’installèron dins lo camp neozelandés per menar a la pausa: 16-2.
De retorn de l’estanquet (pels espectators) e dels vestiaris (pels jogaires), los Verds e Jaunes trepegèron çò que demorava de dobte sul tèrme de la partida amb un novèl ensag. L’afar èra plegat e la cachavièlha neozelandesa durèt fins a la còrna ont lo planchòt indicava una diferéncia bèla e clara: 34-2. Lo temps de montar l’empont e lo capitani australian recebiá la Copa. Lo fuòc d’artifici se podiá elevar dins lo cèl, mas capitava pas d’èsser mai bèl que las cordeladas de passas e d’iniciativas australianas long de las 80 minutas. Los neozelandeses saludavan lo public (los angleses los avián sostenguts; lo fait d’èsser adversaris dels australians èra plan mai important que la responsabilitat de l’eliminacion de l’esquipa de la Ròsa) e los campions se lançavan dins un torn d’onor plan meritat per la partida e per l’ensemble de la competicion.
Rendètz-vos es prés per dins quatre ans, endacòm dins l’emisfèri sud.
Nosauts, nos tornarem trapar deman per unas consideracions mai tecnicas sul debanament de la finala.
Alan Roch
Sold out: Old Trafford afichava complet (70 608 espectators) per la finala de la Copa del Monde de XIII entre Austràlia e la Nòva Zelanda aqueste dissabte de vespre, jol solelh anglés (e òc!).
Quauques centenats d’occitans e de catalans èran dins las tribunas. Quand se crosavan, doas frasas clau: “Ten, siás aquí!” e lo “Te’n sovenes?”, prometeire de longs escambis e de còps a beure amassa!
Lo cantaire dels imnes aviá ja interpretat de cançons davant The Queen, lo Papa e lo Baraquet Obama. Aquò per dire que lo XIII es tant important coma los Grands que se creson de governar lo Monde. Levat qu’elis pensan que la planeta es redonda, alara que nosauts sabèm plan qu’es ovala!
Tot èra en plaça pel grand final tant esperat. Tot? A un detalh prèp, e d’importància. Los Cangorós èran pas brica partesans del meteis debanament que lo de la mièja finala de la setmana passada entre la Nòva Zelanda e Anglatèrra! De mai, tenián mai que tot a prene lo revenge de la finala de 2008. Sul tresen tengut, un pilar Negre daissava tombar la pauma. Al cap e de cinc minutas, los Kiwis perdián una ala (sus nafradura). Lo ton de la vesprada èra balhat; los australians s’installèron dins lo camp neozelandés per menar a la pausa: 16-2.
De retorn de l’estanquet (pels espectators) e dels vestiaris (pels jogaires), los Verds e Jaunes trepegèron çò que demorava de dobte sul tèrme de la partida amb un novèl ensag. L’afar èra plegat e la cachavièlha neozelandesa durèt fins a la còrna ont lo planchòt indicava una diferéncia bèla e clara: 34-2. Lo temps de montar l’empont e lo capitani australian recebiá la Copa. Lo fuòc d’artifici se podiá elevar dins lo cèl, mas capitava pas d’èsser mai bèl que las cordeladas de passas e d’iniciativas australianas long de las 80 minutas. Los neozelandeses saludavan lo public (los angleses los avián sostenguts; lo fait d’èsser adversaris dels australians èra plan mai important que la responsabilitat de l’eliminacion de l’esquipa de la Ròsa) e los campions se lançavan dins un torn d’onor plan meritat per la partida e per l’ensemble de la competicion.
Rendètz-vos es prés per dins quatre ans, endacòm dins l’emisfèri sud.
Nosauts, nos tornarem trapar deman per unas consideracions mai tecnicas sul debanament de la finala.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercé plan Alan Roch e Jornalet per nos aver retransmés la copa del mond de rugbi de XIII
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari