La Copa del Monde es plan acabada: lo trofèu es dins l’avion per Sydney. D’aquel temps, avèm enfins agut una jornada completa del campionat d’Elèit dempuèi la fin d’octobre!
A Carcassona, se joguèt pas en rason de l’estat del terren, de las pluèjas e de las decisions municipalas, ni contra Lesinhan lo dimenge 17, nimai contra Avinhon lo dissabte 23. Aquel repaus forçat a pas balhat un vam novèl als Canaris qu’an encaissat un fenomenal 54-8 aqueste dissabte als Minims contra Tolosa Olimpic. Las possibilitats d’èsser dins los 4 de la Pola dels As s’apichonisson de mai en mai al pè de Ciutat.
Limós, que s’èra acontentat de la paritat la setmana passada amb los Dragonets, vesiá l’èx-Drac MacGuire portar pel primièr còp las colors roge e negre. Los limosencs baton 34-24 una valenta esquipa de Palau que s’entorna en Catalonha Nòrd amb lo punt del bònus defensiu. De notar los 3 ensags de l’alièr limosenc Francés Théresin que confòrta sa primièra plaça dels marcaires de la competicion. A Avinhon, los Dragonets arrancan la victòria 14-12 sus la formacion locala mercé a una penalitat ensacada pel Joan Guasch a la 78a minuta. De notar qu’un mièg dotzenat de jogaires avinhonencs èran dissabte a Manchester per seguir la finala Austràlia-Nòva Zelanda e tornèron prene l’avion tre la partida acabada per jogar aqueste dimenge!
Lesinhan torna de Vilanuèva amb una victòria pro ben aisida: 30-10, amb dos ensags signats Ciril Stacul.
Al programa de la dimenjada qu’arriba: dos rescontres per dissabte, Avinhon-Tolosa (16h30) e Carcassona-Vilanuèva (18h30), e doas batèstas de cloquièrs que seràn disputadas coma cal per dimenge, Dragonets-Palau a Sant Estève (15h30) e Lesinhan-Limós al Molin (15 h).
D’aquel temps, los Dracs tornan prene progressivament l’entraïnament: lo pilar novèl Jeff Lima es del nombre que ven d’arribar en tèrra catalana.
Alan Roch
A Carcassona, se joguèt pas en rason de l’estat del terren, de las pluèjas e de las decisions municipalas, ni contra Lesinhan lo dimenge 17, nimai contra Avinhon lo dissabte 23. Aquel repaus forçat a pas balhat un vam novèl als Canaris qu’an encaissat un fenomenal 54-8 aqueste dissabte als Minims contra Tolosa Olimpic. Las possibilitats d’èsser dins los 4 de la Pola dels As s’apichonisson de mai en mai al pè de Ciutat.
Limós, que s’èra acontentat de la paritat la setmana passada amb los Dragonets, vesiá l’èx-Drac MacGuire portar pel primièr còp las colors roge e negre. Los limosencs baton 34-24 una valenta esquipa de Palau que s’entorna en Catalonha Nòrd amb lo punt del bònus defensiu. De notar los 3 ensags de l’alièr limosenc Francés Théresin que confòrta sa primièra plaça dels marcaires de la competicion. A Avinhon, los Dragonets arrancan la victòria 14-12 sus la formacion locala mercé a una penalitat ensacada pel Joan Guasch a la 78a minuta. De notar qu’un mièg dotzenat de jogaires avinhonencs èran dissabte a Manchester per seguir la finala Austràlia-Nòva Zelanda e tornèron prene l’avion tre la partida acabada per jogar aqueste dimenge!
Lesinhan torna de Vilanuèva amb una victòria pro ben aisida: 30-10, amb dos ensags signats Ciril Stacul.
Al programa de la dimenjada qu’arriba: dos rescontres per dissabte, Avinhon-Tolosa (16h30) e Carcassona-Vilanuèva (18h30), e doas batèstas de cloquièrs que seràn disputadas coma cal per dimenge, Dragonets-Palau a Sant Estève (15h30) e Lesinhan-Limós al Molin (15 h).
D’aquel temps, los Dracs tornan prene progressivament l’entraïnament: lo pilar novèl Jeff Lima es del nombre que ven d’arribar en tèrra catalana.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Podcast de l'emission Cinquième Tenu de decembre :
http://www.rcf.fr/radio/rcf11/emission/derniere/200395
La bona chifra : 74 468 espectators a la finala de Manchester.
"Aquò nos deuriá balhar idèias per avec un mejan d'informacion esportiu occitan ... mas un site-una seccion del Jornalet-quicòm mai ont se parlariá en òc de rugbis, de fotbòl, and, desquet, ciclisme, atletisme.. mas tanben tambornet, quilhas, ajustas, vela latina, las bòlas, corsa camarguenca.. en metent en abans las valors positivas de l'espòrt, son ròtle social e cultural (amb lo rugbí, avèm un bèl exemple de las capacitats de paraula e de convivéncia) sens doblidar de denonciar las derivas (anar a una partida de fotbòl per desmargar los fautuèlhs, es pas dins nòstre biais, per exemple!) ... I a de qué faire ; demòra simplament de ba faire !"
Car Alan soi a cent del cent d'acòrdi amb tu e sabes plan tot çò qu'ensagèrem de far amb la Mesclanha per far tornar las finalas de rugbi de XV e de XIII al pais ... lo combat s'arrestèt fauta de ... combatènts del nòstre costat quinzista. Mas la luta de las idèas demòra totjorn de menar.
Lo nòstre amic Joan Marc Leclercq mandèt lo lec d'una Federacion Occitana de Rugbi Amator ... mas aquò tanben es ... al punt mòrt.
Per de qué pas apitar un blòg en occitan e en francés dedicat a las questions de l'espòrt e de l'identitat occitana. religat al Jornalet ?
La Copa del Monde de XIII ven de s'acabar e teni a mercejar Lo Jornalet e lo Ferriòl (bon, s'apelar atal ja !*) d'aver dobèrt sas paginas a ma cronica (coma a Ràdio-Lenga d'Òc-Narbona e Ràdio-Lenga d'Òc-Erau d'aver difusat del diluns al dissabte la cronica Sul camin d'Òld Traffòrd que repreniá a quicòm prèp los papièrs del Jornalet).
Sèm pas encara dins las condicions del dirècte, cal prene en compte las questions del blocatge, trapar quicòm a dire cada jorn, e ben ! I sèm arribats : aquò a permés des eguir las partidas, de faire pronostics e analisis, de dintrar dins l'istòria de la competicion e la de l'espandiment del XIII sus la planeta, de parlar de questions economicas veire geo-politicas, de contar istorietas un còp o l'autre..
Valent a dire de faire un trabalh sus la durada e non pas un article atal e puèi : pas res ! Lo suplici foguèt bèl, que deamndèt :
- d'anar veire fisicament cinc partidas : Avinhon, Perpinhan, als mièja-finals de Wembley e la finala de manchester
- de seguir las autras en dirècte o diferat sus BeInSpòrt (plan mercé, Rodòlfe e Loló e los collègas)
- de seguir e espepissar los sites de l'organizacion, de las Federacions, Wikipedia, sites esportius,... (e revisar mon anglés!)
- d'afustar lo vocabulari occitan esportiu
- de charrar e encara charrar amb tretzistas d'Occitania e de Catalonha
E, fin finala, en Occitania e Catalonha (valent a dire per França), Lo Jornalet es lo mejan d'informacion qu'a seguit amb una tala regfularitat (un article per jorn) la competicion !!!
Mercé doncas al Jornalet d'aver dobèrt un quart de son espaci informatiu a la Copa del Monde.
Aquò nos deuriá balhar idèias per avec un mejan d'informacion esportiu occitan (bon, parli pas de premsa escrita, vist la santat trantolejanta costat francimand de L'Equipe), mas un site-una seccion del Jornalet-quicòm mai ont se parlariá en òc de rugbis, de fotbòl, and, desquet, ciclisme, atletisme.. mas tanben tambornet, quilhas, ajustas, vela latina, las bòlas, corsa camarguenca.. en metent en abans las valors positivas de l'espòrt, son ròtle social e cultural (amb lo rugbí, avèm un bèl exemple de las capacitats de paraula e de convivéncia) sens doblidar de denonciar las derivas (anar a una partida de fotbòl per desmargar los fautuèlhs, es pas dins nòstre biais, per exemple!) ... I a de qué faire ; demòra simplament de ba faire !
Plan mercé tanben a totes los e a totas las qu'an seguit refgularament la cronica o gitat un uèlh un còp o l'autre a Monde-XIII !
* Pels non-iniciats, Ferriòl es lo nom del jogaire (David de son pichon nom) que foguèt d'ans pilar dels Dracs e que jòga ara a Limós !
Frederic Vouland es lo convidat de l'emission Cinquième Tenu de RCF-Pays d'Aude aqueste dimars 3/12 per parlar de son libre La partida clandestina : www.rcf.fr/radio/rcf11
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari