Actualitats
De multas de fins a 30 000 èuros per ofensar Espanha
E de fins a 600 000 èuros per dissòlver pas una manifestacion, segon çò que prevei la futura lei de seguretat ciutadana que lo govèrn espanhòl ven de presentar
Lo govèrn espanhòl a aprovat l’avantprojècte de Lei de Seguretat Ciutadana. Lo tèxt, que serà probablament aprovat dins lo Congrès espanhòl pendent la primièra mitat de 2014, prevei de multas d’entre 1001 e 30 000 èuros a qui cride de consignas o pòrte de bandieròlas “ofensivas” envèrs Espanha, envèrs la bandièra espanhòla o envèrs las institucions espanhòlas, coma, per exemple, la monarquia. Se multarà tanben las personas que fagan de resisténcia pacifica a una execucion judiciària, coma dins los cases de las expulsions de domicili per pagar pas l’ipotèca.
Lo ministre de l’interior, Jorge Fernández Díaz, explicava que la cremada d’una bandièra “es una ofensa” e que serà considerada coma fauta grèva, se s’agís pas d’un delicte. Es per aquò que l’autor poirà èsser sancionat amb una multa de fins a 30 000 èuros.
Fernández Díaz anoncièt aquel projècte de lei en una conferéncia de premsa a la fin del mes passat, ont tanben diguèt que se considerava pas coma “ofensa, afrontament o vexacion” de se manifestar contra l’unitat d’Espanha, mas “solament se s’agís d’una mobilizacion de caractèr pacific”, çò precisèt.
S’agís d’un projècte de lei fòrça polemic e criticat pels partits de l’oposicion. Lo projècte considèra qu’es una fauta fòrça grèva de refusar de dissòlver una manifestacion, per çò que los represalhats dins las protèstas se poiriàn veire, al delà, obligats de pagar una multa de fins a 600 000 èuros. Tanben se considèra coma objècte de multa maximala de refusar de s’identificar a un policièr, e atanben la prostitucion en d’endreches ont i pòsca aver de menors coma las escòlas o los pargues.
Las manifestacions convocadas sens autorizacion seràn consideradas coma de fautas leugièras, que poiriàn venir grèvas o fòrça grèvas se i a de perturbacions de l’òrdre public. Aquò concernís tanben las manifestacions convocadas en d’infrastructras criticas coma las centralas nuclearas o los aeropòrts, o coma intrar dins lors encenchas o quitament las subrevolar.
Las infraccions leugièras seràn punidas amb de multas de 100 a 1000 èuros, las grèvas de 1001 a 30 000 èuros e las fòrça grèvas de 30 001 a 600 000 èuros.
Segon lo jornal The Guardian, s’agís d’una lei “antiprotèstas” que “menaça la vertadièra democracia”.
Enfoque - España: Polémica ley de seguridad...per HispanTV
Lo ministre de l’interior, Jorge Fernández Díaz, explicava que la cremada d’una bandièra “es una ofensa” e que serà considerada coma fauta grèva, se s’agís pas d’un delicte. Es per aquò que l’autor poirà èsser sancionat amb una multa de fins a 30 000 èuros.
Fernández Díaz anoncièt aquel projècte de lei en una conferéncia de premsa a la fin del mes passat, ont tanben diguèt que se considerava pas coma “ofensa, afrontament o vexacion” de se manifestar contra l’unitat d’Espanha, mas “solament se s’agís d’una mobilizacion de caractèr pacific”, çò precisèt.
S’agís d’un projècte de lei fòrça polemic e criticat pels partits de l’oposicion. Lo projècte considèra qu’es una fauta fòrça grèva de refusar de dissòlver una manifestacion, per çò que los represalhats dins las protèstas se poiriàn veire, al delà, obligats de pagar una multa de fins a 600 000 èuros. Tanben se considèra coma objècte de multa maximala de refusar de s’identificar a un policièr, e atanben la prostitucion en d’endreches ont i pòsca aver de menors coma las escòlas o los pargues.
Las manifestacions convocadas sens autorizacion seràn consideradas coma de fautas leugièras, que poiriàn venir grèvas o fòrça grèvas se i a de perturbacions de l’òrdre public. Aquò concernís tanben las manifestacions convocadas en d’infrastructras criticas coma las centralas nuclearas o los aeropòrts, o coma intrar dins lors encenchas o quitament las subrevolar.
Las infraccions leugièras seràn punidas amb de multas de 100 a 1000 èuros, las grèvas de 1001 a 30 000 èuros e las fòrça grèvas de 30 001 a 600 000 èuros.
Segon lo jornal The Guardian, s’agís d’una lei “antiprotèstas” que “menaça la vertadièra democracia”.
Enfoque - España: Polémica ley de seguridad...per HispanTV
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben ieu, tròbi que tot aquó pudís a camisas brunas, e a brigadas de la mòrt que marchan al pas per carrièras… Quantes Garcia-Lorca, quantes Allende de totas las lengas e colors tornaràn tombar encara, s'aquò deu contunhar aital, subre aqueste caminàs bestòrt ?
E per ofensar Euskal Herria, Occitània, Catalonha, quant còsta, la multa ?
Jorns de dòu per la democracia, la repression se rapròcha e hè mès estrèit lo drèit deus pòbles a disposar de per eths e a hèr contestacions... La rason deu mèi hòrt qu'èi sempre veritat, autrament dit, as sempre rason quora as hèit de leis sus mesura per tu e sobretot còntre los autes.
#1 = imperialisme nacional.
Los occitans, catalans, o bascos aquò es un tip de moviment nacional d'emancipacion, un nacionalisme al sens de sa definicion classica "aparar l'avenir de sa nacion", non invasiu sus d'autras nacions e encara mens ierarquizant, coma se tempta de far en Espanha = la lenga (+ los simbòls, las tradicions...) de la nacion castilhana dèu èsser superiora a la lenga dels occitans, catalans, eça.
lo tèrme ispanic de multga eis apropriat dins aquest article e ofensa pas la lexocografia occitana. pamens se una lei punissià leis ofensas a la nostra lenga occitana, me sembla que lo mot emenda convendrià mielhs e en Provença lo venerable verbau, segond tèrme de procès-verbau, testimoni d'un temps onte lo garda avià xde s'esprimir dins la lenga dau pais quand empegava quauqu'un, aquo dich, lo govèrn espanhou fai de descriminacion, li ren que lei rics que podràn pagar aquesta emenda fabulosa
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari