Actualitats
Manifestacion per l’autonomia del Bascoat Nòrd e per l’oficialitat del basco
Lo govèrn francés vòl pas parlar d’una collectivitat territoriala perque lo Bascoat Nòrd, oficialament, existís pas. “Nos prenon per d’imbecils”, çò clama la plataforma convocanta
Aperaquí 3500 personas, segon los organizaires, manifestèron dissabte passat a Maulion (Bascoat) en reclamant l’autonomia del Bascoat Nòrd, un “pòl universitari fòrt”, la cooficilitat del basco e una cambra d’agricultura pròpria, segon d’informacions de Nationalia.
Los manifestants, convocats per la plataforma Batera, reclamèron a l’estat francés la creacion d’una collectivitat territoriala pròpria pels territòris bascos de la Republica Francesa. Es la segonda manifestacion d’ongan amb aquela demanda.
La plataforma basca denóncia que lo govèrn francés vòl pas parlar d’una collectivitat territoriala perque lo Bascoat Nòrd, oficialament, existís pas: “Nos prenon per d’imbecils”, çò diguèt Batera al manifèst legit en s’acabar la manifestacion. Lo Bascoat Nòrd es comprés dins lo departament dels Pirenèus Atlantics, amassa amb Bearn e lo Bas Ador.
Batera apondèt que contunhariá aquela lucha, pr’amor que “pas jamai a existit un consens politic talament vast” al Bascoat Nòrd sus aquelas revendicacions.
Los manifestants, convocats per la plataforma Batera, reclamèron a l’estat francés la creacion d’una collectivitat territoriala pròpria pels territòris bascos de la Republica Francesa. Es la segonda manifestacion d’ongan amb aquela demanda.
La plataforma basca denóncia que lo govèrn francés vòl pas parlar d’una collectivitat territoriala perque lo Bascoat Nòrd, oficialament, existís pas: “Nos prenon per d’imbecils”, çò diguèt Batera al manifèst legit en s’acabar la manifestacion. Lo Bascoat Nòrd es comprés dins lo departament dels Pirenèus Atlantics, amassa amb Bearn e lo Bas Ador.
Batera apondèt que contunhariá aquela lucha, pr’amor que “pas jamai a existit un consens politic talament vast” al Bascoat Nòrd sus aquelas revendicacions.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solidaritat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari