Actualitats
Es intrada en vigor la lei per evitar de tragèdias coma la de la Lampedosa
Eurosur es un ret de comunicacion que vòl melhorar la deteccion e la prevencion de l’immigracion irregulara
Lo Parlament Europèu aprovèt al començament d’octòbre un nòu sistèma de vigilància de las frontièras exterioras de l’Union Europèa, conegut coma Eurosur, qu’intrèt en vigor diluns passat. Aquel ret de comunicacion permetrà als estats membres d’èsser melhor esquipats per prevenir, detectar e combatre l’immigracion illegala, mas tanben per reagir mai rapidament e salvar las vidas dels immigrants en perilh, mai que mai en la Mediterranèa. La nòva legislacion se faguèt pr’amor de la tragèdia del naufragi amb de centenats de mòrts a la Lampedosa.
Lo nòu sistèma Eurosur, que l’avián ja acordat los estats per l’UE, foguèt aprovat dins lo parlament per 479 vòtes en favor, 101 contra e 20 abstencions. Permetrà als estats membres de partejar d’imatges a l’instant e de donadas sus la situacion dins las frontièras exterioras de l’UE.
“Sonque mejançant un sistèma paneuropèu de vigilància frontalièra, podèm evitar que la Mediterranèa venga un cementèri de refugiats que la vòlon traversar amb de vaissèls perilhoses en cèrca d’una vida melhora en Euròpa. Cal una intervencion rapida per evitar que de tragèdias coma la de la Lampedosa se repetiscan”, çò declarèt lo raportaire de la lei, Jan Mulder (ALDE, Païses Basses).
Preservar e respectar los dreches umans
Segon la lei, los estats membres qu’empleguen Eurosur devon respectar en tot moment los dreches umans, comprés lo principi de “non-devolucion”, qu’enebís lo retorn d’una persona a un luòc ont sa vida o sas libertats pòscan èsser en perilh.
Las nòvas nòrmas garentiràn la proteccion de totes los dreches fondamentals dels immigrants, compresa la proteccion de donadas personalas. Quin escambi que siá d’informacion entre los païses de l’UE o amb de païses tèrces, a travèrs del ret Eurosur, deu èsser una excepcion e complir las nòrmas en vigor sus la proteccion de donadas.
De mai, los estats membres devon pas emplegar Eurosur per enviar a de païses tèrces d’informacions que se pòscan utilizar per identificar una persona qu’aja una demanda de proteccion internacionala en cors o que li pòsca far perilhar la vida o l’integritat fisica.
Intrada en vigor en dos tempses
Eurosur intrèt en vigor lo 2 de decembre passat en Bulgaria, Chipre, Croàcia, Espanha, Estònia, Grècia, Finlàndia, França, Itàlia, Letònia, Lituània, Malta, Ongria, Polonha, Portugal, Romania, Eslovènia e Eslovaquia. Los autres païses de l’UE se jonheràn al sistèma a partir del 1r de decembre de 2014.
Lo nòu sistèma Eurosur, que l’avián ja acordat los estats per l’UE, foguèt aprovat dins lo parlament per 479 vòtes en favor, 101 contra e 20 abstencions. Permetrà als estats membres de partejar d’imatges a l’instant e de donadas sus la situacion dins las frontièras exterioras de l’UE.
“Sonque mejançant un sistèma paneuropèu de vigilància frontalièra, podèm evitar que la Mediterranèa venga un cementèri de refugiats que la vòlon traversar amb de vaissèls perilhoses en cèrca d’una vida melhora en Euròpa. Cal una intervencion rapida per evitar que de tragèdias coma la de la Lampedosa se repetiscan”, çò declarèt lo raportaire de la lei, Jan Mulder (ALDE, Païses Basses).
Preservar e respectar los dreches umans
Segon la lei, los estats membres qu’empleguen Eurosur devon respectar en tot moment los dreches umans, comprés lo principi de “non-devolucion”, qu’enebís lo retorn d’una persona a un luòc ont sa vida o sas libertats pòscan èsser en perilh.
Las nòvas nòrmas garentiràn la proteccion de totes los dreches fondamentals dels immigrants, compresa la proteccion de donadas personalas. Quin escambi que siá d’informacion entre los païses de l’UE o amb de païses tèrces, a travèrs del ret Eurosur, deu èsser una excepcion e complir las nòrmas en vigor sus la proteccion de donadas.
De mai, los estats membres devon pas emplegar Eurosur per enviar a de païses tèrces d’informacions que se pòscan utilizar per identificar una persona qu’aja una demanda de proteccion internacionala en cors o que li pòsca far perilhar la vida o l’integritat fisica.
Intrada en vigor en dos tempses
Eurosur intrèt en vigor lo 2 de decembre passat en Bulgaria, Chipre, Croàcia, Espanha, Estònia, Grècia, Finlàndia, França, Itàlia, Letònia, Lituània, Malta, Ongria, Polonha, Portugal, Romania, Eslovènia e Eslovaquia. Los autres païses de l’UE se jonheràn al sistèma a partir del 1r de decembre de 2014.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari