Actualitats
Un estrangièr retengut se suicida a Barcelona abans d’èsser expulsat
S’es penjat amb los correjons de sas sabatas e an pas capitat pas de lo reanimar
Un òme de 42 ans e de nacioalitat armènia se suicidèt dimars de matin dins sa cellula del centre d’internament d’estrangièrs (CIE) de Barcelona. Se pengèt amb los correjons de sas sabatas e capitèron pas de lo reanimar, e mai se fasiá plan pauc de temps que s’èra suicidat.
Èra en espèra d’èsser expulsat de l’estat espanhòl en compliment d’un òrdre judiciari, après que foguèt detengut per trafec de drògas, possession d’armas e vòl a man armada.
Dormissiá tot sol perque cap d’autre intèrne voliá pas dormir amb el a causa de son “caractèr violent”, encara segon la polícia, que ditz que “l’òme portava de problèmas”.
Los centres d’internament d’estrangièrs (CIE) dins l’estat espanhòl son definits coma d’“establiments publics de caractèr non penitenciari”, e es aquí que retenon d’estrangièrs abans de los expulsar. Divèrsas entitats umanitàrias an denonciat qu’en la practica fan lo ròtle de “presons administrativas” a causa de la manca de nòrmas legalas. An denonciat tanplan la manca d’espaci, lo freg dins las cellulas, la manca de servicis, las practicas rotinièras d’umilacions e de marrits tractaments.
I a de centres aital dins tot lo territòri Schengen, e mai se la Comission Europèa e l’ÒNU los an meses en question tanben. Dins l’estat francés son nomenats centres de retencion administrativa (CRA) e en Itàlia centres d’identificacion e expulsion (CIE).
Èra en espèra d’èsser expulsat de l’estat espanhòl en compliment d’un òrdre judiciari, après que foguèt detengut per trafec de drògas, possession d’armas e vòl a man armada.
Dormissiá tot sol perque cap d’autre intèrne voliá pas dormir amb el a causa de son “caractèr violent”, encara segon la polícia, que ditz que “l’òme portava de problèmas”.
Los centres d’internament d’estrangièrs (CIE) dins l’estat espanhòl son definits coma d’“establiments publics de caractèr non penitenciari”, e es aquí que retenon d’estrangièrs abans de los expulsar. Divèrsas entitats umanitàrias an denonciat qu’en la practica fan lo ròtle de “presons administrativas” a causa de la manca de nòrmas legalas. An denonciat tanplan la manca d’espaci, lo freg dins las cellulas, la manca de servicis, las practicas rotinièras d’umilacions e de marrits tractaments.
I a de centres aital dins tot lo territòri Schengen, e mai se la Comission Europèa e l’ÒNU los an meses en question tanben. Dins l’estat francés son nomenats centres de retencion administrativa (CRA) e en Itàlia centres d’identificacion e expulsion (CIE).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
totjorn que mai la meteissa compassion per lei criminaus que causisson de faire lo mau, quente que sià sa nacionalitat e lei victimas qu'an lo drech de se taisar e meritan pas ges de consideracions deis organazicions umanitàrias e que se fan escridassar dessùs perqué, coma totis lo sabème nos lo ramentan de longa a la television,, vivèm dins una societat racista abominabla e vaqui, mossur, la rason perqué vostra filha ei muta !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari