Actualitats
An suspendut lo cònsol de Ròcabruna d’Argenç per de declaracions racistas
Luc Jousse ironizèt sus una intervencion “tròp rapida” dels pompièrs per amortar l’incendi d’un camp gitano
Ròcabruna d’Argenç, una municipalitat toristica del país de las Mauras, en Provença, ven de protagonizar un episòdi de polemica a causa del racisme de son cònsol. Luc Jousse venguèt cònsol per l’UMP fa dos mandats, e se seriá presentat tornarmai a las municipalas de 2014, mas es estat suspendut per la federacion del partit drechista del departament de Var.
Jousse auriá ironizat al mitan de novembre sus una intervencion “tròp rapida” dels pompièrs per amortar l’incendi d’un camp gitano. Lo cònsol UMP ditz que se tracta d’una simpla “badinada un pauc pebrada”, mas una badinada que l’a fach èsser suspendut. Per rapòrt a un incendi que se passèt dins un camp de ròms dins sa municipalitat, diguèt: “se son botats fuòc d’esperelei dins sei caravanas pròprias! Un gag! Çò qu’es quasi pecat, es que se siá apelat tròp d’ora lei secors!”. La frasa, un ciutadan de Ròcabruna l’enregistrèt amb son telefòn mobil.
Aquel nòu episòdi de racisme se produtz dos meses après la commocion que i aguèt dins tot l’estat francés pr’amor de l’afar de Leonarda Dibrani, expulsada amb sa familha vèrs Kosova pendent una activitat escolara, e mai après l’escandal dels deliris racistas contra Christiane Taubira, la ministra francesa de pèl negra.
De son costat, Jousse se ditz victima d’una “mascarada” e atribuís la frasa a una autra persona: “Planhi d’aver repetit la frasa umoristica de quauqu’un dau public que, probable, l’a dicha. Vau èstre clar: me’n soveni pas manco!”. Pasmens, aquela frasa malastrosa, la repetiguèt quasi mot per mot en una reünion publica 15 jorns puèi, lo 27 de novembre, coma o revèla BFM TV: “Lei cables electrics qu’elei nos rauban pertot, leis an pres, leis an cremats per lei faire caufar, per recuperar lo coire… e elei an botat fuòc a sei cables pròpris. Se volètz que siga ieu mai precís, es quasi pecat que se siá donada l’alèrta tant d’ora”.
De fach, encara segon BFM TV, es pas la primièra actitud xenofòba del cònsol. “I aurà ges de mosqueta [a Ròcabruna] perque ma França es catolica”, çò diguèt, 800 ans après que Simon de Montfòrt aguèsse dich probable çò meteis.
Jousse auriá ironizat al mitan de novembre sus una intervencion “tròp rapida” dels pompièrs per amortar l’incendi d’un camp gitano. Lo cònsol UMP ditz que se tracta d’una simpla “badinada un pauc pebrada”, mas una badinada que l’a fach èsser suspendut. Per rapòrt a un incendi que se passèt dins un camp de ròms dins sa municipalitat, diguèt: “se son botats fuòc d’esperelei dins sei caravanas pròprias! Un gag! Çò qu’es quasi pecat, es que se siá apelat tròp d’ora lei secors!”. La frasa, un ciutadan de Ròcabruna l’enregistrèt amb son telefòn mobil.
Aquel nòu episòdi de racisme se produtz dos meses après la commocion que i aguèt dins tot l’estat francés pr’amor de l’afar de Leonarda Dibrani, expulsada amb sa familha vèrs Kosova pendent una activitat escolara, e mai après l’escandal dels deliris racistas contra Christiane Taubira, la ministra francesa de pèl negra.
De son costat, Jousse se ditz victima d’una “mascarada” e atribuís la frasa a una autra persona: “Planhi d’aver repetit la frasa umoristica de quauqu’un dau public que, probable, l’a dicha. Vau èstre clar: me’n soveni pas manco!”. Pasmens, aquela frasa malastrosa, la repetiguèt quasi mot per mot en una reünion publica 15 jorns puèi, lo 27 de novembre, coma o revèla BFM TV: “Lei cables electrics qu’elei nos rauban pertot, leis an pres, leis an cremats per lei faire caufar, per recuperar lo coire… e elei an botat fuòc a sei cables pròpris. Se volètz que siga ieu mai precís, es quasi pecat que se siá donada l’alèrta tant d’ora”.
De fach, encara segon BFM TV, es pas la primièra actitud xenofòba del cònsol. “I aurà ges de mosqueta [a Ròcabruna] perque ma França es catolica”, çò diguèt, 800 ans après que Simon de Montfòrt aguèsse dich probable çò meteis.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Provençaus que sabon plus de que son, dins la grèpia, i èra totjorn la plaça per lo paure, lo ravit, lo bomian...
Per çò qu'es de raubar, es provat çò que ditz ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari