Actualitats
Multa recòrd de Brussèlas a las bancas per aver manipulat las taxas d’interès
La Comission Europèa a punit sièis grandas entitats financièras amb 1,7 miliard d’èuros per aver pachat l’euribòr
La Comission Europèa a sancionat, amb una multa istorica d’1,7 miliard d’èuros, sièis grandas bancas internacionalas per aver manipulat las taxas d’interès, dont l’euribòr, segon çò qu’anoncièt la setmana passada lo comissari de la Concurréncia, Joaquín Almunia. La mesura cèrca de “punir” las bancas qu’an facha l’infraccion, e a l’encòp vòl “dissuadir las que poiràn èsser temptadas de repetir l’experiéncia e de participar a un cartèl”, çò remarquèt.
Las bancas sancionadas son Deutsche Bank, Royal Bank of Scotland, Société Générale, JP Morgan, l’agéncia Citigroup e RP Martin. La Comission a exclús de far pagar la multa a Barclays e a UBS, que manipulèron tanben las taxas mas qu’o denoncièron a las autoritats.
La Comission Europèa a comprés dins la multa d’1 712 468 000 èuros las entitats que participèron als cartèls illegals per aver manipulat los derivats de l’euribòr e de las taxas del ièn japonés. Brussèlas avertís que las accions d’aquela sòrta son enebidas per la legislacion europèa e es per aquò qu’a impausat aquela multa tan nauta.
“Çò mai chocant de l’escandal del libòr e de l’euribòr, es pas solament la manipulacion dels estandards, mas la conspiracion entre las bancas que se supausa que son concurrentas”, çò assegurèt Joaquín Almunia dins una conferéncia de premsa a Brussèlas. Segon l’eurocomissari, aquela decision manda “un messatge clar, que la comission es decidida a luchar e a sancionar aqueles cartèls del sector financièr”. Segon Almunia, una “concurréncia sana” e la “transparéncia” son “crucialas” per que lo sistèma financièr foncione “al servici de l’economia reala e non pas segon los interèsses de qualques unes”.
Lo comissari espanhòl a assegurat que dempuèi lo començament de la crisi se fisa mens de las bancas. “Soi pas lo sol que, dempuèi lo començament de la crisi financièra, a cambiat la vision sul comportament de las institucions financièras dins lo mercat. Pas totas, mas òc, qualques unas”.
Las entitats multadas per aver manipulat l’euribòr, la taxa d’interès que marca lo prètz de la majoritat de las ipotècas, son Barclays, Deutsche Bank, Société Générale e Royal Bank of Scotland. Ça que la, Barclays, qu’avertiguèt dels paches, deurà pas pagar res. Deutsche Bank deurà pagar una quantitat de 465 861 000 èuros, Société Générale 445 884 000 èuros e RBS 131 004 000. Aquelas bancas pachèron las manipulacions de la taxa entre 2005 e 2008.
Per çò qu’es de las manipulacions de la taxa del ièn, la Comission Europèa denóncia las accions d’UBS, RBS, Deutsche Bank, JP Morgan, Citigroup e RP Martin. La primièra entitat deurà pas pagar, coma Barclays, per aver revelat l’existéncia del cartèl. Per contra, RBS deurà pagar 260 056 000 èuros, Deutsche Bank 259 499 000 èuros, JP Morgan 79 897 000 èuros, Citigroup 70 020 000 e RP Martin 247 000 èuros.
L’entitat punida amb la multa mai nauta es, doncas, l’alemanda Deutsche Bank, amb 724 milions d’èuros, per manipular lo libòr e l’euribòr, las taxas que s’aplican las bancas quand se prèstan d’argent entre elas.
Las bancas sancionadas son Deutsche Bank, Royal Bank of Scotland, Société Générale, JP Morgan, l’agéncia Citigroup e RP Martin. La Comission a exclús de far pagar la multa a Barclays e a UBS, que manipulèron tanben las taxas mas qu’o denoncièron a las autoritats.
La Comission Europèa a comprés dins la multa d’1 712 468 000 èuros las entitats que participèron als cartèls illegals per aver manipulat los derivats de l’euribòr e de las taxas del ièn japonés. Brussèlas avertís que las accions d’aquela sòrta son enebidas per la legislacion europèa e es per aquò qu’a impausat aquela multa tan nauta.
“Çò mai chocant de l’escandal del libòr e de l’euribòr, es pas solament la manipulacion dels estandards, mas la conspiracion entre las bancas que se supausa que son concurrentas”, çò assegurèt Joaquín Almunia dins una conferéncia de premsa a Brussèlas. Segon l’eurocomissari, aquela decision manda “un messatge clar, que la comission es decidida a luchar e a sancionar aqueles cartèls del sector financièr”. Segon Almunia, una “concurréncia sana” e la “transparéncia” son “crucialas” per que lo sistèma financièr foncione “al servici de l’economia reala e non pas segon los interèsses de qualques unes”.
Lo comissari espanhòl a assegurat que dempuèi lo començament de la crisi se fisa mens de las bancas. “Soi pas lo sol que, dempuèi lo començament de la crisi financièra, a cambiat la vision sul comportament de las institucions financièras dins lo mercat. Pas totas, mas òc, qualques unas”.
Las entitats multadas per aver manipulat l’euribòr, la taxa d’interès que marca lo prètz de la majoritat de las ipotècas, son Barclays, Deutsche Bank, Société Générale e Royal Bank of Scotland. Ça que la, Barclays, qu’avertiguèt dels paches, deurà pas pagar res. Deutsche Bank deurà pagar una quantitat de 465 861 000 èuros, Société Générale 445 884 000 èuros e RBS 131 004 000. Aquelas bancas pachèron las manipulacions de la taxa entre 2005 e 2008.
Per çò qu’es de las manipulacions de la taxa del ièn, la Comission Europèa denóncia las accions d’UBS, RBS, Deutsche Bank, JP Morgan, Citigroup e RP Martin. La primièra entitat deurà pas pagar, coma Barclays, per aver revelat l’existéncia del cartèl. Per contra, RBS deurà pagar 260 056 000 èuros, Deutsche Bank 259 499 000 èuros, JP Morgan 79 897 000 èuros, Citigroup 70 020 000 e RP Martin 247 000 èuros.
L’entitat punida amb la multa mai nauta es, doncas, l’alemanda Deutsche Bank, amb 724 milions d’èuros, per manipular lo libòr e l’euribòr, las taxas que s’aplican las bancas quand se prèstan d’argent entre elas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que cèrqui l'info sus tres « grands quotidiens de la presse nationale » franchimands : silenci ràdio dinc ad ara — o se i ei, qu'ei plan esconuda. Benaja Jornalet !
Aquò dit, adara que conéishem un bon mejan de har fortuna : engibanatz ua bèra escroqueria, apuish anatz denonciar los talòs, e que poderatz guardar lo benefici.
Esperi encara que qualcun fetz la descripcion de la manipulacion, s'és feta a la baisha. Pas a l'alça com podriam pachar comunment.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari