Las funeralhas d’estat per Nelson Mandela començaràn deman, dimars 10 de decembre, en coïncidissent amb lo Jorn Internacional dels Dreches Umans. Aital o anoncièt divendres passat lo president de Sud-Africa, Jacob Zuma, en un discors televisat. Las funeralhas se celebraràn dins lo vilatge de Qunu, al sud-èst del país, ont Nelson Mandela passèt son enfança, amb la preséncia de caps politics, socials e culturals de tot lo Mond. S’acabaràn dimenge que ven, 15 de decembre, quand Mandela serà enterrat.
 
Las funeralhas començaràn amb la celebracion d’una messa multitudinària d’omenatge a l’èx-president sud-african a l’FNB Stadium de Soweto, a Johannesburg. Entre l’11 e lo 13 de decembre, la capèla ardenta demorarà installada dins lo sèti del govèrn sud-african, a la capitala Pretòria.
 
Dins son discors, Zuma faguèt una crida a “trabalhar amassa per realizar las funeralhas mai apropriadas per aquel filh e paire” de Sud-Africa. Al delà, lo president demandèt a totes de “s’amassar e pregar” per Nelson Mandela.