Actualitats
De milièrs d’ucraïneses manifèstan per demandar la demission del govèrn
S’opausan a la decision de non signar l’acòrdi d’associacion amb l’UE e demandan d’eleccions anticipadas
De milièrs de personas manifestèron ièr per carrièras a Kyiiv, la capitala d’Ucraïna, en exigissent la demission del govèrn ucraïnés del president Viktor Ianukovych, e volián que se convoquèsse d’eleccions anticipadas. Los manifestants, acampats sus la Plaça de l’Independéncia, s’opausan a la decision del govèrn de non signar l’acòrdi d’associacion amb l’Union Europèa, e critican lo raprochament del país amb Russia en politica exteriora e comerciala.
A travèrs d’un comunicat, l’èx-primièra ministra, Iuliia Tymoshenko, que se tròba empresonada, a denonciat que lo país podiá venir una dictatura medievala.
Los dirigents de l’oposicion an demandat als manifestants de manténer la pression sul govèrn fins a obténer la demission e que i aja pas de raprochament amb Russia. Pendent las protèstas, un grop de manifestants an tombat l’estatua de Lenin.
Catherine Ashton, nauta representanta de la politica exteriora e la seguretat comuna de l’UE, viatjarà aquesta setmana a Kyiiv per impulsar una solucion politica a la situacion actuala, segon çò qu’a raportat lo president de la Comission Europèa, José Manuel Durão Barroso, al president ucraïnian.
Ucraïna viu de protèstas e de tensions entre los partisans de l’union doanièra amb Russia e los que vòlon qu’Ucraïna faga partida de l’Union Europèa (o que se’n sarre). Mas a la fin de novembre, la tension s’elevèt a Kyiiv, quand Ianukovych refusèt a Vílnius de signar un acòrdi de raprochament amb l’UE. Lo cap ucraïnés metèt sus la taula de duras condicions per compensar lo còst que supausariá per son país de se sarrar dels estandards economics europèus, en demandant d’ajudas per afrontar la crisi e las previsiblas sancions comercialas amb las qualas Russia respondriá a aquel acòrdi. L’UE acceptèt pas las condicions de Ianukovych e lo pache demorèt en l’aire.
Segon de donadas de l’Institut Internacional de Sociologia de Kyiiv (KMIS segon sa sigla en ucraïnés), 38% de la populacion del país es per l’union doanièra amb Russia, del temps que los partisans de l’associacion amb l’UE son 37,8%. Mas los pròrusses son la granda majoritat dins las regions del sud e de l’èst, que produson mai de la mitat del PIB del país.
A travèrs d’un comunicat, l’èx-primièra ministra, Iuliia Tymoshenko, que se tròba empresonada, a denonciat que lo país podiá venir una dictatura medievala.
Los dirigents de l’oposicion an demandat als manifestants de manténer la pression sul govèrn fins a obténer la demission e que i aja pas de raprochament amb Russia. Pendent las protèstas, un grop de manifestants an tombat l’estatua de Lenin.
Catherine Ashton, nauta representanta de la politica exteriora e la seguretat comuna de l’UE, viatjarà aquesta setmana a Kyiiv per impulsar una solucion politica a la situacion actuala, segon çò qu’a raportat lo president de la Comission Europèa, José Manuel Durão Barroso, al president ucraïnian.
Ucraïna viu de protèstas e de tensions entre los partisans de l’union doanièra amb Russia e los que vòlon qu’Ucraïna faga partida de l’Union Europèa (o que se’n sarre). Mas a la fin de novembre, la tension s’elevèt a Kyiiv, quand Ianukovych refusèt a Vílnius de signar un acòrdi de raprochament amb l’UE. Lo cap ucraïnés metèt sus la taula de duras condicions per compensar lo còst que supausariá per son país de se sarrar dels estandards economics europèus, en demandant d’ajudas per afrontar la crisi e las previsiblas sancions comercialas amb las qualas Russia respondriá a aquel acòrdi. L’UE acceptèt pas las condicions de Ianukovych e lo pache demorèt en l’aire.
Segon de donadas de l’Institut Internacional de Sociologia de Kyiiv (KMIS segon sa sigla en ucraïnés), 38% de la populacion del país es per l’union doanièra amb Russia, del temps que los partisans de l’associacion amb l’UE son 37,8%. Mas los pròrusses son la granda majoritat dins las regions del sud e de l’èst, que produson mai de la mitat del PIB del país.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
El procés d' emancipació d' Ucraïna presenta molts punts de contacte amb el procès català....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari