Actualitats
La Cort Suprèma d’Índia a declarat illegalas la relacions omosexualas
L’article 337 del Còde Penal indian penaliza amb dètz ans de preson los actes sexuals consentits entre d’adultes del meteis genre
La Cort Suprèma d’Índia a declarat que las relacions omosexualas son illegalas. Après qu’en 2009 una senténcia del Tribunal Superior de Justícia de Nòva Delhi las legalizèsse, lo tribunal indian maximal considèra qu’aquela decision es “insostenabla constitucionalament”.
L’article 337 del Còde Penal indian penaliza amb dètz ans de preson los actes sexuals consentits entre d’adultes del meteis genre. Mas fa quatre ans, lo Tribunal Superior de Justícia de Nòva Delhi sentencièt qu’aquel article violava qualques articles de la constitucion del país. Ça que la, de grops religioses e socials presentèron un recors a la Cort Suprèma d’Índia, que ven de desautorizar lo tribunal de Nòva Delhi e confirmar la repression pels omosexuals.
Ditz, la Cort Suprèma, que lo Parlament d’aquel país deu cambiar o eliminar l’article 377 del Còde Penal. Tant qu’o faga pas, cap de tribunal poirà pas legalizar las relacions entre de personas del meteis sèxe.
En seguida, de representants dels collectius de gais, lesbianas, bisexuals e transexuals d’Índia son anats al sèti de la Cort Suprèma per protestar contra la decision judiciària, segon d’informacions del jornal The Times of India. Considèran que s’agís d’una “granda reculada”.
De son costat, Amnestia Internacionala d’Índia a fiulat sus Twitter que “la decision de la Cort Suprèma fa recular Índia fòrça ans enrèire dins son engatjament per la proteccion de las libertats basicas” e qu’es “un jorn negre pels dreches umans”.
L’article 337 del Còde Penal indian penaliza amb dètz ans de preson los actes sexuals consentits entre d’adultes del meteis genre. Mas fa quatre ans, lo Tribunal Superior de Justícia de Nòva Delhi sentencièt qu’aquel article violava qualques articles de la constitucion del país. Ça que la, de grops religioses e socials presentèron un recors a la Cort Suprèma d’Índia, que ven de desautorizar lo tribunal de Nòva Delhi e confirmar la repression pels omosexuals.
Ditz, la Cort Suprèma, que lo Parlament d’aquel país deu cambiar o eliminar l’article 377 del Còde Penal. Tant qu’o faga pas, cap de tribunal poirà pas legalizar las relacions entre de personas del meteis sèxe.
En seguida, de representants dels collectius de gais, lesbianas, bisexuals e transexuals d’Índia son anats al sèti de la Cort Suprèma per protestar contra la decision judiciària, segon d’informacions del jornal The Times of India. Considèran que s’agís d’una “granda reculada”.
De son costat, Amnestia Internacionala d’Índia a fiulat sus Twitter que “la decision de la Cort Suprèma fa recular Índia fòrça ans enrèire dins son engatjament per la proteccion de las libertats basicas” e qu’es “un jorn negre pels dreches umans”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
«penaliza amb dètz ans de preson los actes sexuals consentits» >> Consentits. Doncas, encara de crimis sens victimas… Deurián pas existir dins la lei, los crimis sens victimas.
Per la civilizacion indiana, vièlha de 5000 o mai 7000 ans, aquò's una recuolada de 70 sègles !!! MInable, dramatic. L_Kali Yuga, quora nos tenes !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari