Catalonha farà son referendum d’independéncia lo 9 de novembre que ven. La consulta prepausarà una question dobla: “Volètz que Catalonha venga un Estat?”, amb las responsas de òc e de non; e aqueles que vòten de òc dins la primièra question auràn de respondre se vòlon, òc o non, que Catalonha siá un estat independent dins una sosquestion.
 
La question, la data e lo procediment legal del referendum son estats convenguts aqueste matin dins una amassada dels partits CIU, ÈRC, ICV-EUIA e CUP, es a dire totes los partits politics del Parlament de Catalonha, levat las tres fòrças espanholistas que son Partit Socialista (PSC/PSÒE), lo Partit Popular (PP) e Ciutadans (C’s).
 
L’acòrdi s’es passat aqueste matin dins lo Palais de la Generalitat, mas fasiá ja qualques jorns que los partits s’èran discretament amassats. Après l’amassada, lo president de Catalonha, Artur Mas, acompanhat dels dirigents de totas las formacions qu’an signat l’acòrdi, a anonciat la consulta als mèdias (vidèo). Artur Mas a mercejat la “compreneson, generositat, collaboracion e sens de país” de totas las formacions qu’an signat l’acòrdi. “Sabèm que çò qu’avèm en mans a una transcendéncia istorica fòrça granda e qu’es fòrça importanta per lo futur. Nos caliá èsser a l’auçada de las circonstàncias”.
 
En seguida an parlat los representants dels autres partits, qu’an soslinhat lo debanament de l’acòrdi, e qu’ara cal que lors formacions validen l’acòrdi.
 
 
Reaccion espanhòla
 
Lo govèrn espanhòl a reagit en plan paucas minutas. Lo ministre de la justícia, Alberto Ruiz Gallardón, a menaçat: “La consulta se celebrarà pas e aquò o garentís lo govèrn”. “La constitucion autoriza pas a cap de comunautat autonòma de sometre a consulta o referendum de questions qu’afècten la sobeiranetat nacionala e qu’afècten totes los espanhòls”, çò a dich. “Lo govèrn garentís que se produirà pas cap d’accion illegala en Espanha” e “una consulta d’aquela natura seriá contrària a la constitucion e a l’estatut d’autonomia”, çò a dich als mèdias, dins lo Congrès dels Deputats espanhòl.
 
Lo Partit Socialista (PSÒE) a refusat tanplan lo referendum. Lo secretari general dels socialistas, Alfredo Pérez-Rubalcaba, a acusat Mas de menar Catalonha dins una “carrièra bòrnia”.
 
 
 
 
Mèdias catalans
 
VilaWeb: El referèndum serà el 9 de novembre i es preguntarà sobre la independència
Televisió de Catalunya: 9-N: “Vol que Catalunya esdevingui un Estat?” i, si és que sí, “Vol que sigui independent?”
Ara: 9 de novembre: "Vol que Catalunya sigui un estat?" i "Vol que Catalunya sigui un estat independent"?
El Punt Avui: Acord sobre la data i la pregunta de la consulta
Nationalia: Catalunya votarà sobre la independència el 9 de novembre de 2014 en una consulta de pregunta doble
 
 
Mèdias espanhòls
 
El País: ¿Quiere que Cataluña sea un Estado? y, si es así, ¿Quiere que Cataluña sea un Estado independiente?
El Mundo: La pregunta:’¿Quiere usted que Cataluña sea un Estado?’
La Razón: La doble pregunta de Mas: “¿Quiere que Cataluña sea un Estado? Y si es así, ¿independiente?”
ABC: Mas pacta la pregunta de la consulta:’¿Quiere qiue Cataluña sea un Estado?’
 

Mèdias internacionals:
 
7Seizh: Referendom su eune etat catalan : ça q’a s’ra le 09 dou mei de novembe 2014 !
Arredol:O referendum d’independencia de Catalunya se celebrará o 9 de noviembre de 2014
Berria: Erreferendumera deitu du Masek azaroaren 9rako
Correo/Diario Vasco: Mas pacta dos preguntas para la consulta
Deia: Mas anuncia el pacto para una consulta soberanista el 9 de noviembre de 2014
EITB: ¿Quiere usted que Cataluña sea un Estado?, la pregunta de la consulta
AFP: Catalonia parties seek independence vote in November
Reuters: Spain’s Catalonia to push on with plans for independence vote e tanben Catalonia sets independence question, Spain says it won’t happen
AP: Spain’s Catalonia sets’independence’ poll date e tanben Spain’s Catalonia sets Nov. 9, 2014 for’independence’ referendum, unveils questions
Libération: Référendum fin 2014 sur l’indépendance en Catalogne
Le Figaro: Catalogne/Indépendance: référendum fin 2014Nouveau
RTL.fr: Catalogne: référendum sur la création d’un État indépendant fin 2014
20minutes.fr: Espagne: Les Catalans vont se prononcer sur leur indépendance
TGCOM: Catalogna: Stato? Ok a referendum