Actualitats
Rajoy menaça que permetrà pas que los catalans vòten
Lo referendum per l’independéncia “se farà pas”, çò ditz Rajoy, en evocant la constitucion e l’“indissolubla unitat de la nacion espanhòla”
Lo president del govèrn espanhòl, Mariano Rajoy, farà tot çò possible per empedir que los catalans vòten, segon çò qu’a declarat ièr de ser a prepaus de l’acòrdi sul referendum per l’independéncia de Catalonha. En aprofechant una conferéncia de premsa conjoncha amb lo president del Conselh Europèu, Hermann Van Rompuy, Rajoy a invocat las leis espanhòlas amb la constitucion espanhòla per dire qu’empedirà que la consulta del 9 de novembre de 2014 se celèbre.
“Aquela consulta se farà pas, es inconstitucionala e se celebrarà pas. Çò qu’an prepausat es radicalament contrari e a la constitucion e a la lei”. Rajoy a soslinhat que la consulta es “en defòra de tota discussion e negociacion” perque la sobeiranetat es de totes los espanhòls.
Ça que la, a evitat de respondre a las questions dels jornalistas que li demandavan se suspendriá l’autonomia de Catalonha, coma li permet la constitucion espanhòla. Simplament a respondut que consagrarà “totes los esfòrces” a trabalhar per que los catalans, “que son una partida fondamentala e aimada d’Espanha, se vejan pas prejudicats per las consequéncias d’aquela iniciativa”. Lo president espanhòl a menaçat lo president de la Generalitat que “violente” pas las leis e a afirmat qu’el e lo cap del Partit Socialista (PSÒE), Alfredo Pérez Rubalcaba, an una convergéncia “totala” sus la responsa que cal donar al procès començat en Catalonha.
Rajoy compareguèt a Madrid, qualques oras après de l’anonci fach en Catalonha, e après se reünir amb lo president del Conselh Europèu, Herman Van Rompuy, que manifestèt que coma bèlga es totjorn “contra lo separatisme”.
Van Rompuy a afirmat d’un costat que s’agís d’un afar “intèrne” d’Espanha. E de l’autre costat a dich que los tractats de l’Union Europèa cessaràn de s’aplicar automaticament dins un estat independent que sorgisca d’un estat membre, e qu’aquel estat novèl poiriá intrar dins l’UE se totes los estats de l’union foguèsson d’acòrdi. Lo mandatari europèu a manifestat tanben qu’espèra qu’Espanha “contunhe d’èsser un estat membre, unit e fisable de l’Union Europèa”.
“Aquela consulta se farà pas, es inconstitucionala e se celebrarà pas. Çò qu’an prepausat es radicalament contrari e a la constitucion e a la lei”. Rajoy a soslinhat que la consulta es “en defòra de tota discussion e negociacion” perque la sobeiranetat es de totes los espanhòls.
Ça que la, a evitat de respondre a las questions dels jornalistas que li demandavan se suspendriá l’autonomia de Catalonha, coma li permet la constitucion espanhòla. Simplament a respondut que consagrarà “totes los esfòrces” a trabalhar per que los catalans, “que son una partida fondamentala e aimada d’Espanha, se vejan pas prejudicats per las consequéncias d’aquela iniciativa”. Lo president espanhòl a menaçat lo president de la Generalitat que “violente” pas las leis e a afirmat qu’el e lo cap del Partit Socialista (PSÒE), Alfredo Pérez Rubalcaba, an una convergéncia “totala” sus la responsa que cal donar al procès començat en Catalonha.
Rajoy compareguèt a Madrid, qualques oras après de l’anonci fach en Catalonha, e après se reünir amb lo president del Conselh Europèu, Herman Van Rompuy, que manifestèt que coma bèlga es totjorn “contra lo separatisme”.
Van Rompuy a afirmat d’un costat que s’agís d’un afar “intèrne” d’Espanha. E de l’autre costat a dich que los tractats de l’Union Europèa cessaràn de s’aplicar automaticament dins un estat independent que sorgisca d’un estat membre, e qu’aquel estat novèl poiriá intrar dins l’UE se totes los estats de l’union foguèsson d’acòrdi. Lo mandatari europèu a manifestat tanben qu’espèra qu’Espanha “contunhe d’èsser un estat membre, unit e fisable de l’Union Europèa”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Constitucion es benlèu pas lo mot tecnic que conven, mas i a unas oblgacions politicas per tot membre de l'union, coma la d'èsser un estat se volent democratic.
Per quant al tractat constitucional ultraliberal de Lisboa, passat en fòrça dins l'estat francés contra la volontat dels pòbles vertat es que sembla pas aver d'exigéncias democraticas fòrtas !
La remarca de Lutz m'es bona !
#7 Doncas i a una Constitucion Europèu ?
« Rajoy menaça que permetrà pas que los catalans vòten » Doncas, Rajoy enebís la democracia. Ni mai, ni mens. La politica de Rajoy es donc dictatoriala, e donc contrària a la consitucion europèa…
Per lo referendum en Catalonha
Lo govèrn catalan e los partits politics representats al Parlament de Catalonha a excepcion dels partits dichs « espanhòlistas » sometràn a referendum la question de l’independéncia de Catalonha e de la creacion d’un Estat catalan lo 9 de Novembre de 2014.
Lo govèrn de Madrid a ja declarat que s’opausariá per totes los mejans a la tenguda d’un tal referendum que jutja anticonstitucional.
Lo Partit de la Nacion Occitana, favorable per principi a l’independéncia de Catalonha coma a la d’Occitània, encoratja las autoritats catalanas a passar enlà de l’actitud antidemocratica de Madrid e a manténer aquel referendum que permetrà de mesurar democraticament l’estat de l’opinion catalana.
Espèra qu’una majoritat dels votants dirà de òc a las doas questions pausadas, çò que metrà atal fàcia a lors responsabilitats lo govèrn espanhòl e l’Union europèa.
Lo Partit de la Nacion Occitana assegura totes los independentistas catalans de son sosten indefectible.
Visca Catalonha e Occitània liura !
#4 Lo cameron n'ei pas briga engèrc pr'amor los sondatges que dan l'opcion separatista per minoritària. Espanha au contra qu'a paur. Se los catalans e disen de òc a la majoritat, que serà quasi impossible d'anà'n contra la volontat clarament exprimida d'un pòble, pas shens que'n pateishi la democracia (o l'illusion democratica). L'unica solucion qui vedin qu'ei d'empachar la consulta (mes que'n pateish la democracia, o l'illusion democratica). Aus escacs que diserén qu'ei en « Zugwang » : qué qui hèsqui, que'n la saberà mau au còp d'après. Solida l'auta solucion que seré de deishar har e de convíncer democraticament los catalans de damorar, mes aparentament, ne l'an pas quitament considerada. L'actitud de Madrid qu'ei la deu qui a dejà perdut.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari