Actualitats
Tot es prèst per la naissença de la primièra television integralament en lenga occitana sus Internet
Òc Tèle emetrà quatre oras jornadièras a partir del 20 de decembre. La grasilha comprendrà d’informatius, de programas infantils e de divertiment.
Seràn quatre oras de programacion jornadièra, cada ser, suls ecrans dels ordenadors e de las tauletas. Dissabte que ven, 20 de decembre, naisserà Òc Tèle [escrivon ÒcTele], una television en linha que serà la primièra a emetre la totalitat de sos contenguts en lenga occitana. Segon lo blòg de la còla de France 3 en occitan, Lo Blòg Occitan, la grasilha de la programacion comprendrà d’informatius, de dessenhs animats e de programas de divertiment.
Òc Tèle a lo sosten financièr de las regions d’Aquitània e de Miègjorn-Pirenèus e de divèrses departaments occitans, e es lançada pel promotor Lionel Buannic, lo fondador de Brezhoweb, una autra television en linha qu’emet integralament en breton. Dins aquesta entrevista a Sud-Ouest, Buannic explicava en setembre passat que las emissions serián destinadas sustot a un public jove.
La primièra emission del nòu canal occitan per Internet se farà de Bordèu, al sèti del Conselh Regional d’Aquitània. Ça que la, lo sèti fisic de la television en linha serà a Lescar, en Bearn.
Sus l’espaci Facebook d’Òc Tèle se pòt trobar qualques pichons tastes de dos programas (documentari e infantil) que se poiràn seguir sus la television occitana.
Aqueste article es adaptat de Nationalia, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Us envio aquesta cançó occitana medieval cantada per una cantant mongol que viu a Catalunya.
http://youtu.be/JeGXpvex4Fs
Espero us agradi!
Josep
Enhorabona, em servirà per recuperar el meu aranès que fa gairebé vint anys que no parlo.
#19 Bof.
Lo tipe visat sarà lo tipe que picarà "octele" dins Google.
D'aqueu temps, KTO tòca lo tipe que zapa e tomba dessuta a l'asard.
Ai vist mielhs per que l'occitan toque lo maximum de gents.
#20 Anem esser clar, òm pòt esser solidaris en tot gardant l'independencia.
Parli pas d'un organe central que se permetria de diser a tal o tal media; vaqui la tua linha editoriala (quitament s'aquò exista dins la "normalitat" se sona "un grop de premsa" ( e de costuma i'a accionaris bels dadins) e lo lambda que legis lo sap pas totjorn. parli de s'ajudar tot simplament al vist del paucs de miegjans que tenem e de l'espandida de la taca e del territori, un va a tal eveniment, ben partatja la materia amb totun e cadun prend ço que i'agrada o que l'interessa (es per aquò que podetz trapar, d'exemple, d'entrevistas audio al meu nom pegadas a certs articles del Jornalet, o trapar fotos creditadas Jornalet sus la Setmana o l'encontrari).
Aquò es una pratica normala dins la premsa de tot pais, que sia mentre redaccions o mentre essers umans (per de que òc lo cal saber los jornalistas son d'umans tanben).
Aprep vos podriam parlar de la quimèrica independencia de la premsa, o de l'objectivitat pantalhada... mas aquò serian d'autras contestas....
#18 Entà parlar hòra-subjèct, que tròbi aquiras atacas contra l'anonimat hòrt pègas. Tostèm, que s'i an dat shafres le gent. N'es pas quauquarré d'arrecènt, briga. E quèn sàbetz lo monde com son gelós e maishants, que s'at vau mélhe de'n préner un, shafre, mélèu que de's har mauparlar o caburar de hanha.
Quauques que pòden arrecastar en d'auts d'anar bavar suu hilat, quèn saben qui son estujats darrèr aquiths shafres, e quèn los veden que hèn deus bròïin, mes ne cau pas estar sistematic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari