Actualitats
Tolosa e Marselha connectadas amb Barcelona per TGV
La capitala catalana es tanplan reliada per granda velocitat amb Lion e París
Amb quinze ans de retard, s’inaugurèt ièr oficialament la primièra connexion dirècta per TGV de Marselha, Tolosa, Lion e París amb Barcelona. Las companhiás SNCF e Renfe, qu’esplechan amassa la linha, an vendut vint mila bilhetas dempuèi lo 29 de novembre. Se prepausa un tren de granda velocitat cada jorn entre Tolosa e Barcelona (en 3 oras e 2 minutas, a partir de 39 èuros), e un autre amb Marselha (en 4 oras e 17 minutas) dins los dos senses. Aqueles percorses se fan amb de trens AVEN-S-100 de Renfe, coma tanben se fan amb los trens jornadièrs entre Lion e Madrid.
Per çò qu’es de la connexion de Barcelona amb París, los dos trajèctes jornadièrs se fan amb de trens TGV Dayse franceses de dos estancis e 510 plaças, en 6 oras e 25 minutas a un prètz per trajècte a partir de 59 èuros. Tant l’orari coma lo prètz son pro concurrencials per rapòrt a l’avion, çò considèran los responsables de las doas companhiás ferroviàrias.
La rason oficiala d’aquel despartiment de trens es que los convòis franceses an obtengut l’omologacion per circular sonque fins a Barcelona, pr’amor que las diferéncias amb lo sistèma de senhalizacion los empedisson a l’ora d’ara de contunhar fins a Madrid. De lor costat, los AVE pòdon pas far lo trajècte entre Lion e París perque lor cal una adaptacion. Pasmens, SNCF e Renfe an ja exprimit qu’an l’intencion d’omologar lors trens per totes los trajèctes. La companhiá francesa precisa que lo trajècte París-Madrid auriá pas cap de sens en tèrmes de mercat, perque amb nòu oras de durada poiriá pas far la concurréncia a l’avion.
Per contra, si que preveson que lo trajècte Barcelona-París faga concurréncia a l’avion. La tòca es de captar mai d’un milion de passatgièrs per an, çò que vòl dire mai del doble dels 300 000 viatjaires qu’an emplegat ongan lo TGV entre París e Figueres (ont fins ara caliá cambiar de tren per arribar a Barcelona) e los 162 000 dels Talgo nocturnes Barcelona-París e Madrid-París. Dins aquel sens cal dire qu’amb l’intrada en foncionament dels trens de nauta velocitat, los dos Talgo e Trenhotel Joan Miró son anullats, e tanben lo Talgo entre Cartagena e Montpelhièr. De fach, “lo darrièr Talgo a París”, après quaranta ans de foncionament, faguèt son darrièr viatge divendres entre Paris-Austerlitz e l’Estacion de França barcelonesa.
Lo conselhièr del territòri de la Generalitat de Catalonha, Santi Vila, planguèt que Perpinhan e Nimes sián pas encara connectats amb de vias de granda velocitat. Dins l’inauguracion, que se debanèt ièr al Palais dels Reis de Malhòrca a Perpinhan (Catalonha), i aviá tanben la ministra espanhòla del foment, Ana Pastor, e lo ministre delegat dels transpòrts francés, Fréderic Cuvillier.
Per çò qu’es de la connexion de Barcelona amb París, los dos trajèctes jornadièrs se fan amb de trens TGV Dayse franceses de dos estancis e 510 plaças, en 6 oras e 25 minutas a un prètz per trajècte a partir de 59 èuros. Tant l’orari coma lo prètz son pro concurrencials per rapòrt a l’avion, çò considèran los responsables de las doas companhiás ferroviàrias.
La rason oficiala d’aquel despartiment de trens es que los convòis franceses an obtengut l’omologacion per circular sonque fins a Barcelona, pr’amor que las diferéncias amb lo sistèma de senhalizacion los empedisson a l’ora d’ara de contunhar fins a Madrid. De lor costat, los AVE pòdon pas far lo trajècte entre Lion e París perque lor cal una adaptacion. Pasmens, SNCF e Renfe an ja exprimit qu’an l’intencion d’omologar lors trens per totes los trajèctes. La companhiá francesa precisa que lo trajècte París-Madrid auriá pas cap de sens en tèrmes de mercat, perque amb nòu oras de durada poiriá pas far la concurréncia a l’avion.
Per contra, si que preveson que lo trajècte Barcelona-París faga concurréncia a l’avion. La tòca es de captar mai d’un milion de passatgièrs per an, çò que vòl dire mai del doble dels 300 000 viatjaires qu’an emplegat ongan lo TGV entre París e Figueres (ont fins ara caliá cambiar de tren per arribar a Barcelona) e los 162 000 dels Talgo nocturnes Barcelona-París e Madrid-París. Dins aquel sens cal dire qu’amb l’intrada en foncionament dels trens de nauta velocitat, los dos Talgo e Trenhotel Joan Miró son anullats, e tanben lo Talgo entre Cartagena e Montpelhièr. De fach, “lo darrièr Talgo a París”, après quaranta ans de foncionament, faguèt son darrièr viatge divendres entre Paris-Austerlitz e l’Estacion de França barcelonesa.
Lo conselhièr del territòri de la Generalitat de Catalonha, Santi Vila, planguèt que Perpinhan e Nimes sián pas encara connectats amb de vias de granda velocitat. Dins l’inauguracion, que se debanèt ièr al Palais dels Reis de Malhòrca a Perpinhan (Catalonha), i aviá tanben la ministra espanhòla del foment, Ana Pastor, e lo ministre delegat dels transpòrts francés, Fréderic Cuvillier.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma aquò, se lo comitat "Anèm òc" decide de pas far la manif de 2014 per la lenga nòstra a Marselha, promiera ciutat d'Occitània, per mostrar a Vauzelle que la region es ben una part intègra e importanta d'Occitània, e ben poirèm totjorn anar en trin a Barcelona per i organizar la manif venenta !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari