Actualitats
Madrid: agression policièra a la manifestacion contra la nòva Lei de Seguretat Ciutadana
Las protèstas a Madrid contra la nòva Lei de Seguretat Ciutadana, que lo govèrn espanhòl prepausa, se son acabadas amb una agression salvatja de la polícia contra los manifestants. L’acamp cercava d’entornejar l’edifici del Congrès dels Deputats, e finiguèt amb de situacions d’extrèma violéncia e d’agressions indiscriminadas contra las personas que manifestavan o se passejavan près de la manifestacion.
Segon Disopress, se visquèt de situacions de panica dins divèrses endreches del centre de Madrid, a causa de las agressions salvatjas e indiscriminadas de la polícia.
La manifestacion la convoquèron fòrça organizacions, partits politics, sindicats e assembladas del movement 15M per protestar contra l’avantprojècte de Lei de Seguretat Ciutadana.
Almens sèt personas foguèron detengudas, e i a un vintenat de ferits, fòrça d’entre eles amb de fracturas al cap a causa dels còps de calòssa dels policièrs. An acusat aperaquí 40 personas “per provocar d’incidents violents e esvrentar la manifestacion.”
Las susmautas comencèron quand los manifestants anavan cap al Congrès dels Deputats. Ailà, de desenats de policièrs ensagèron de talhar lo camin del cortegi, que podiá pas avançar. Qualques manifestants lancèron d’objèctes contra los policièrs, que tirèron eles de balas de goma contra los manifestants. Pendent la nuèch se lancèt d’objèctes contra las unitats de policièrs antisusmautas, que respondèron en atacant indiscriminadament contra tot pichon grop de personas acampadas que rescontravan.
Lo projècte de Lei de Seguretat Ciutadana, que s’aprovarà probable dins lo Congrès espanhòl pendent la primièra mitat de 2014, prevei de multas d’entre 1001 e 30 000 èuros a qui cride de consignas o pòrte de bandieròlas “ofensivas” envèrs Espanha, envèrs la bandièra espanhòla o envèrs las institucions espanhòlas, coma, per exemple, la monarquia. Se multarà tanben las personas que fagan de resisténcia pacifica a una execucion judiciària, coma dins los cases de las expulsions de domicili per pagar pas l’ipotèca. Aquel projècte viòla tanben los dreches a l’informacion, a la manifestacion e a l’intimitat, e quitament obliga los detectius privats de raportar lors recèrcas al Ministèri de l’Interior, çò que rendrà impossible d’enquestar contra lo govèrn per d’eventuals afars de corrupcion.
_____
Editorial: La temptacion autoritària d’Espanha
Segon Disopress, se visquèt de situacions de panica dins divèrses endreches del centre de Madrid, a causa de las agressions salvatjas e indiscriminadas de la polícia.
La manifestacion la convoquèron fòrça organizacions, partits politics, sindicats e assembladas del movement 15M per protestar contra l’avantprojècte de Lei de Seguretat Ciutadana.
Almens sèt personas foguèron detengudas, e i a un vintenat de ferits, fòrça d’entre eles amb de fracturas al cap a causa dels còps de calòssa dels policièrs. An acusat aperaquí 40 personas “per provocar d’incidents violents e esvrentar la manifestacion.”
Las susmautas comencèron quand los manifestants anavan cap al Congrès dels Deputats. Ailà, de desenats de policièrs ensagèron de talhar lo camin del cortegi, que podiá pas avançar. Qualques manifestants lancèron d’objèctes contra los policièrs, que tirèron eles de balas de goma contra los manifestants. Pendent la nuèch se lancèt d’objèctes contra las unitats de policièrs antisusmautas, que respondèron en atacant indiscriminadament contra tot pichon grop de personas acampadas que rescontravan.
Lo projècte de Lei de Seguretat Ciutadana, que s’aprovarà probable dins lo Congrès espanhòl pendent la primièra mitat de 2014, prevei de multas d’entre 1001 e 30 000 èuros a qui cride de consignas o pòrte de bandieròlas “ofensivas” envèrs Espanha, envèrs la bandièra espanhòla o envèrs las institucions espanhòlas, coma, per exemple, la monarquia. Se multarà tanben las personas que fagan de resisténcia pacifica a una execucion judiciària, coma dins los cases de las expulsions de domicili per pagar pas l’ipotèca. Aquel projècte viòla tanben los dreches a l’informacion, a la manifestacion e a l’intimitat, e quitament obliga los detectius privats de raportar lors recèrcas al Ministèri de l’Interior, çò que rendrà impossible d’enquestar contra lo govèrn per d’eventuals afars de corrupcion.
_____
Editorial: La temptacion autoritària d’Espanha
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òc. Lo franquisme contunha a Espanha e mens amagat. Retalhan las libertats, Espanha es pas una democracia, lutarem en favor de la democracia coma avèm totjorn fach. Visca la libertat.
Lo PP qu'ei vadut neofranquista. La dreta francesa ne gausaré pas presentar un tau projècte.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari