Actualitats
Operacion contra lo trafec de carn de caval de laboratòri en Occitània
Après experimentar los medicaments amb de cavals, los laboratòris mandavan la carn a las bocariás per lo consume. An detengut 21 personas
La polícia detenguèt 21 personas ièr de matin en Occitània dins l’encastre d’una granda operacion per desmantelar un ret de trafec de carn de caval fraudulosa. Segon de fonts de la recèrca, l’operacion comencèt a 6h del matin e se debanèt dins 11 departaments del país, en Lengadòc e Provença, amb la participacion d’un centenat de gendarmas.
Los detenguts son mai que mai de comerçants de carn mas tanben d’emplegats de laboratòris ont se fa d’experiéncias amb de medicaments suls cavals, qu’après anavan a la cadena alimentària de faiçon illegala. Segon los primièrs elements de l’enquèsta, los animals devián èsser sacrificats e destruches, mas èran menats a de tuadors d’Occitània e de Catalonha. Aqueles laboratòris crompavan los cavals mai que mai a de centres equèstres.
La recèrca la comencèt fa qualques meses la gendarmariá de Montpelhièr, amb lo sosten de l’agropament d’intervencion regionala e l’Ofici Central de Lucha contra los Atacs a l’Enviromanet e a la Santat Publica (OCLAESP). Lo ministèri public de Marselha organizèt una conferéncia de premsa ièr de ser ont expliquèt als mèdias mai de detalhs suls escorcolhs de l’operacion.
Segon Le Figaro, l’afar comencèt a la fin de 2012 per una letra anonima adreiçada a la direccion departamentala de la populacion de la prefectura d’Aude. Lo correspondent metiá en causa l’entrepresa SARL Narbonnaise des Viandes, dirigida per Patrick Rochette, marchand de cavals, proprietari de doas bocariás e de comèrci de carn en gròs. Segon aquela letra, “lo trafec portariá almens sus un trentenat de cavals avent servit al laboratòri Sanofi per produire de serum après administracion medicamentosa”. Mas lo jornal francés afirma que de centenats d’autres animals poirián èsser concernits tanplan.
De son costat, L’Indépendant remembra qu’aquel afar prejudicarà mai encara lo comèrci de la carn de caval, durament tocat amb l’escandal que comencèt en febrièr passat al Reialme Unit e que portèt la revelacion que l’entrepresa de Castèlnòu d’Arri, Spanghero, revendiá de carn de caval per de buòu. Aquela carn auriá servit a la preparacion de plats cosinats de grandas marcas. Dins aquel sens, lo ministre francés del consume, Benoît Hamon, a distinguit aqueste novèl afar de l’escandal Spanghero. “Es diferent, aquí se poiriá agir d’un problèma sanitari”, çò declarèt.
Per restaurar la fisança, lo ministre a apondut que “França es lo primièr país en Euròpa a aver inscrich dins sa lei l’etiquetatge d’origina de la carn dins los plats preparats. Ara esperam de Brusèlas que nos done lo fuòc verd, l’espèri en genièr que ven”, çò diguèt.
Pasmens, “al delà d’aquò, i a la question de la qualitat de çò que se manja. I a de cavals que deurián pas finir dins las vòstra sieta ni en cò del maselièr, e es lo trabalh, cresi, d’aquesta enquèsta que ne sauprem los resultats plan lèu”, çò apondèt.
Los detenguts son mai que mai de comerçants de carn mas tanben d’emplegats de laboratòris ont se fa d’experiéncias amb de medicaments suls cavals, qu’après anavan a la cadena alimentària de faiçon illegala. Segon los primièrs elements de l’enquèsta, los animals devián èsser sacrificats e destruches, mas èran menats a de tuadors d’Occitània e de Catalonha. Aqueles laboratòris crompavan los cavals mai que mai a de centres equèstres.
La recèrca la comencèt fa qualques meses la gendarmariá de Montpelhièr, amb lo sosten de l’agropament d’intervencion regionala e l’Ofici Central de Lucha contra los Atacs a l’Enviromanet e a la Santat Publica (OCLAESP). Lo ministèri public de Marselha organizèt una conferéncia de premsa ièr de ser ont expliquèt als mèdias mai de detalhs suls escorcolhs de l’operacion.
Segon Le Figaro, l’afar comencèt a la fin de 2012 per una letra anonima adreiçada a la direccion departamentala de la populacion de la prefectura d’Aude. Lo correspondent metiá en causa l’entrepresa SARL Narbonnaise des Viandes, dirigida per Patrick Rochette, marchand de cavals, proprietari de doas bocariás e de comèrci de carn en gròs. Segon aquela letra, “lo trafec portariá almens sus un trentenat de cavals avent servit al laboratòri Sanofi per produire de serum après administracion medicamentosa”. Mas lo jornal francés afirma que de centenats d’autres animals poirián èsser concernits tanplan.
De son costat, L’Indépendant remembra qu’aquel afar prejudicarà mai encara lo comèrci de la carn de caval, durament tocat amb l’escandal que comencèt en febrièr passat al Reialme Unit e que portèt la revelacion que l’entrepresa de Castèlnòu d’Arri, Spanghero, revendiá de carn de caval per de buòu. Aquela carn auriá servit a la preparacion de plats cosinats de grandas marcas. Dins aquel sens, lo ministre francés del consume, Benoît Hamon, a distinguit aqueste novèl afar de l’escandal Spanghero. “Es diferent, aquí se poiriá agir d’un problèma sanitari”, çò declarèt.
Per restaurar la fisança, lo ministre a apondut que “França es lo primièr país en Euròpa a aver inscrich dins sa lei l’etiquetatge d’origina de la carn dins los plats preparats. Ara esperam de Brusèlas que nos done lo fuòc verd, l’espèri en genièr que ven”, çò diguèt.
Pasmens, “al delà d’aquò, i a la question de la qualitat de çò que se manja. I a de cavals que deurián pas finir dins las vòstra sieta ni en cò del maselièr, e es lo trabalh, cresi, d’aquesta enquèsta que ne sauprem los resultats plan lèu”, çò apondèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
oh ! mon diu ! es una delice ! manjare le pino ! catoutchi !
cent ans, eli catalans, cent ans lei provençaus
se partejèron l'aiga, lo pan e la sau,
ara se partatjan lei cavaus morts per la sciencia e lei relacions entre Catalonha e Occitània progressan que se pot pas mai, leis omes viatjan a la vitessa dau TGV entre lei doas nacions bessonas e lei cavaus plan planet dins de forgons mortuàris d'espelha-rossa
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari