Actualitats
Claude Puel entraïnarà l'OGC Niça
Après Lilla e Lion, l'entrenaire castrés tornarà en Occitània la sason que ven
Un an après aver quitat l'Olimpic de Lion en condicions complicadas, lo castrés Claude Puel tornarà en agost sus un banc de L1. Lo Gim oficializèt dimèrcs sèir la soa vinguda, per tres ans.
Après Lilla e Lion, Claude Puel tornarà en Occitània la sason que ven. Dab objectius: lo president Jean François Rivère anoncièt sa volontat d'estructurar lo club per li har passar un cap. Un navèth estadi (serà parat en junh de 2013), una generacion de jovens de granda qualitat (venen d'emportar la Copa Gambardella), un entrenaire competent e experimentat, la recèpta sembla bona per l'OGC Niça. Demòra de véder dab quaus ingredients.
L'efectiu diuré bolegar hòrt aquera intersaison: dab l'arribada de Puel, las mans libras per apitar una politica de recrutament ambiciosa, e la fin de contracte de sheis jogadors de la còla, s'esperan cambiaments dens l'esquipa. D'autant que dab Puel, se pòden esperar la vinguda de daubuns jogadors que l'escomesa poiré interessar.
Après Eric Roy (sacat en noveme passat) e René Marsiglia, Claude Puel serà lo tresau entrenaire deus Aglons en mensh d'un an.
Pèir-Joan Masdiset
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari