Uèi, 20 de decembre a 20h, se començarà las emissions d’Òc Tèle, la television en occitan qu’emet sus Internet. L’emission se farà en dirècte del conselh regional d’Aquitània.
Òc Tèle emetrà quatre oras jornadièras e sa grasilha comprendrà d’informatius, de programas infantils e de divertiment, una programacion mai que mai adreiçada al public jove.
Òc Tèle a lo sosten financièr de las regions d’Aquitània e de Miègjorn-Pirenèus e de divèrses departaments occitans, e es lançada pel promotor Lionel Buannic, lo fondador de Brezhoweb, una autra television en linha qu’emet integralament en breton.
E mai se la primièra emission se farà uèi de Bordèu, lo sèti fisic de la television en linha serà a Lescar, en Bearn.
Òc Tèle s’apond aital a las emissions de television en lenga nòstra, dont cal soslinhar las emissions en occitan de France 3, Dètz TV, Barcelona TV, Aran TV e Television de Catalonha.
Rendètz-vos a 20h sus www.octele.com.
Òc Tèle emetrà quatre oras jornadièras e sa grasilha comprendrà d’informatius, de programas infantils e de divertiment, una programacion mai que mai adreiçada al public jove.
Òc Tèle a lo sosten financièr de las regions d’Aquitània e de Miègjorn-Pirenèus e de divèrses departaments occitans, e es lançada pel promotor Lionel Buannic, lo fondador de Brezhoweb, una autra television en linha qu’emet integralament en breton.
E mai se la primièra emission se farà uèi de Bordèu, lo sèti fisic de la television en linha serà a Lescar, en Bearn.
Òc Tèle s’apond aital a las emissions de television en lenga nòstra, dont cal soslinhar las emissions en occitan de France 3, Dètz TV, Barcelona TV, Aran TV e Television de Catalonha.
Rendètz-vos a 20h sus www.octele.com.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òc tèle, es un projèct portaire d'un espèr qu'es segurament lo vam novèl tant esperat en Occitània.
Visibilitat, professionalisme, dignitat e modernitat !
Ancara mai e per mai d'espaci occitan. Sabètz que nosautres, los provençals, gavòts e niçards, avèm una region qu'es per lo moment fòra dal projèct. Cal esperar que sigue plus lo cas. Una manif a Marselha o poiria benlèu recordar a cu de drech en pòste a las manètas de la region ?
i a pas digús ? Ont son passats aquel monde ? Divendres çaquelà èran un tropèl ! se son avalits ? Durèt pas plan bèl brieu aquel afar...Cliquegi, mirguegi tombi sus un site de vidèos ?
Una prumèra a l'Otèl de Region en Bordèu. Avèvi miat 4 liceans girondins qui se son... alengats. Abans non parlavan pas en dehora de la classa, e pendent b'era penos per una lenga qui hasèva pietat. Puish, de véser que tot lo monde practicavan shens complèxes an parlat e parlat e descobèrt una lenga de comunicacion. Se contunha atau seràn locutors actius. Après, que lo presentator se melhore, linguisticament, n'a mestièr.
Ei avut lo parat et lo plaser d'assistir en direct a la prumera a 8 ò miejas. Un moment de gai medish se podoi pas demorar dunc au cap. Vesedera qu'era la tension deus gabidaires , veseder lo plaser deu public sus l'endret.Segur quauques tesics per veder en camin dens lo "tram" et dens lo trin dab lo "smartphone" dunca 10 ò miejas, mès aquò podeva estar per heit de qualitat meishanta de la 3G en quauques endrets... tau com tant de cercas dab aqueras tecnòlògias.
Bona sòrta Òc tele!
En picant sus dirècte, i avia lo dessnh animat, es vertadierament mau fotut ... grrrrrrr
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari