Pendent una jornada de las longas se i debanèron de debats, de commemoracions, de recitals de poesia e de concèrts d'artistas coma Muriel Batbie Castell, Rosina de Pèira, Eric Fraj, Claudi Martí, Guilhèm Lopez e Pierre Rouch. 


 

Los jorn precedents, totjorn al Prat dels Cremats, se i èran debanadas de manifestacions en memòria de las victimas del 16 de març de 1244. 

 


Aquela 'prima de la lenga, l'istòria e la civilizacion occitana', es estada organizada per la Fondacion Occitània, l'Institut d'Estudis Occitans (IEO), lo Centre Regional d'Ensenhants d'Occitan (CREO), los Amics del Sabartés, la Lauseta, la Calandreta del País de Pàmias e Convergéncia Occitana.

 

Las intervencions, de las conferéncias del maitin als concèrts del ser, son estadas transmetudas per Radio Montaillou Pyrénées, Ràdio Occitània, Ràdio Lengadòc e Ràdio País.

 

Se pensa entre 1200 e 2000 personas presentas. Una autra commemoracion es prevista per l’an que ven mercés al succès d'aquesta primièra.