Actualitats
Son a reproduire las pinturas rupèstras de la Balma Chauvet
A partir de 2015 se poirà vesitar la reproduccion del tresaur, barrat al public per ne protegir la conservacion
Una còla d’artistas e de scientifics son a trabalhar per reproduire las pinturas muralas rupèstras de la Balma Chauvet (Bas Vivarés). Per tant lo tresaur, de mai de 30 000 ans, se pòt pas vesitar per tal de ne protegir las pinturas.
Lo departament d’Ardecha —la contrada de Vivarés— a pres l’iniciativa de far realizar aquel facsimile que reconstituís 3500 m2 de balma. E se poirà vesitar dins dos ans.
Es l’entrepresa tolosana Déco Diffusion que reprodutz las mai de 400 òbras de la Preïstòria vivaresa, a partir d’escanèrs en 3D, gràcias a una còla de professionals especializats dins los decòrs de cinèma.
La Balma Chauvet foguèt descobèrta lo 18 de decembre de 1994 per tres espeleològs, Eliette Brunel, Christian Hilaire e Jean-Marie Chauvet, e es aqueste darrièr que li balhèt son nom. Plaçada dins la comuna de Valon (Bas Vivarés), s’estend sus 8000 m2 e aculhís un fum de pinturas rupèstras datadas de 25 000 a 33 000 ans.
Parièr, la Balma de Las Caus (Peiregòrd Negre) se barrèt al public en 1963 per garentir la conservacion de las pinturas.
_____
Reportatge de France Info:
Lo departament d’Ardecha —la contrada de Vivarés— a pres l’iniciativa de far realizar aquel facsimile que reconstituís 3500 m2 de balma. E se poirà vesitar dins dos ans.
Es l’entrepresa tolosana Déco Diffusion que reprodutz las mai de 400 òbras de la Preïstòria vivaresa, a partir d’escanèrs en 3D, gràcias a una còla de professionals especializats dins los decòrs de cinèma.
La Balma Chauvet foguèt descobèrta lo 18 de decembre de 1994 per tres espeleològs, Eliette Brunel, Christian Hilaire e Jean-Marie Chauvet, e es aqueste darrièr que li balhèt son nom. Plaçada dins la comuna de Valon (Bas Vivarés), s’estend sus 8000 m2 e aculhís un fum de pinturas rupèstras datadas de 25 000 a 33 000 ans.
Parièr, la Balma de Las Caus (Peiregòrd Negre) se barrèt al public en 1963 per garentir la conservacion de las pinturas.
_____
Reportatge de France Info:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La Bauma Chauvet, una granda fiertat dau patrimòni cultural en Occitània.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari