Un practicant d’speed-riding moriguèt dissabte passat, susprés per una avalanca. Los secorses lo poguèron pas reanimar, segon d’informacions de France Info.
 
La victima èra un monitor de parapenda de l’estacion d’esquí de L’Aup d’Ueis (Oesen); que partiguèt dissabte passat far d’speed-riding, una disciplina que combina lo parapenda e l’esquí. Se trovaba fòra pista, al sector de la Comba Charboniera, en companhiá de quatre autras personas, quand foguèt susprés per l’avalanca.
 
Capitèron pas de lo reanimar malgrat l’intervencion rapida del servici de pistas de l’estacion, que mandèt una còla de salvaires, un mètge e un elicoptèr.
 
La direccion de l’estacion faguèt una crida a la prudéncia a prepaus de la practica fòra pista.