Las integrantas del grop punk rus Pussy Riot, Nadezhda Tolokonnikova e Mariia Aliokhina , sortiguèron diluns passat de la preson, en seguida de l’amnestia generala decretada per Vladimir Putin la setmana passada.
 
En febrièr de 2012, cinc sòcias del grop intrèron dins la Catedrala del Crist Salvador de Moscòu, cobèrtas amb de cagolas de colors, e interpretèron la cançon Santa Maire, Verge Benesida, fot Putin defòra (vidèo).
 
Tres d’elas foguèron arrestadas e empresonadas, e doas restèron pus longtemps en preson. Segon lo ministèri public, “agiguèron d’un biais extrèmament vulgar dins un luòc coma aquel” e la cançon que cantèron èra “insultanta e un sacrilègi pels ortodòxes”.
 
Las doas musicianas son estadas graciadas pr’amor d’una amnestia massissa. N’a beneficiat tanben lo politician opausant e èx-magnat multimilionari Mikhaïl Khodorkovskii, que dins son exili a Berlin a promés  que contunharà de luchar pels presonièrs politics russes.