Qualques 100 personas del pòble enawenê nawê, en Brasil, son a recobrar de peatge als menaires que passan sul pont del flume Juruena, sus l’autoestrada MT-710, a 57 quilomètres de la municipalitat de Juína, segon d’informacions publicadas per Top News.
 
L’argent recobrat es per comprar de medicaments basics pel vilatge Halatakwa, segon çò qu’an explicat los activistas.
 
Fa longtemps que revendican de melhoraments e son pas escotats, donc an aprofechat l’infrastructura e los metòdes dels colonizaires.
 
Cal dire que las autoestradas son pas desirablas per cap de las nacions indigènas de Brasil, pr’amor que contribuisson a la desparicion de la selva, a la destruccion de lors territòris e facilitan l’accès als grands entrepreneires agricòlas amb lors màfias paramilitaras.