Actualitats
An entendut la consolessa d’Ais de Provença per malversacion
Maryse Joissains-Masini acabèt ièr sa gàrdia a vista, dins l’encastre d’una enquèsta sus d’emplecs ficticis o de complasença
La consolessa d’Ais de Provença, Maryse Joissains-Masini, foguèt arrestada dimècres passat puèi, ièr dijòus, la metèron en gàrdia a vista dins l’encastre d’una enquèsta sus d’emplecs ficticis o de complasença.
Segon una informacion de France 3, confirmada per d’autres mèdias, la brigada financièra de la polícia judiciària de Marselha entendèt ièr la consolessa per la promocion de son menaire, Omar Achouri, qu’atenguèt la categoria maximala per un foncionari, sens complir los requisits. Segon las denóncias, lo menaire èra dins la 46a posicion sus 160 dins una lista de foncionaris de la classa B, e passèt a las primièras plaças de la classa A, amb son aumentacion de salari consequenta e considerabla. De mai, segon l’enquèsta, s’engatgèt dos enfants d’Achouri per d’emplecs pas plan definits e se sospiècha que s’agisca d’emplecs ficticis.
A la sortida de sa gàrdia a vista, ièr de ser, la consolessa parlèt amb los jornalistas de La Provence. “Siáu mai que serena. Aqueste dorsier que n’ausissi parlar dempuei sieis mes se desgonfla coma una bofiga”, çò diguèt. Confirmèt que foguèt entenduda sus quatre dorsièrs que concernissián d’emplecs a la comuna d’Ais e a la comunautat d’aglomeracion, “sus la basa d’una letra anonima, d’un costat, e de declaracions de mon ancian director generau dei servicis, qu’aviáu licenciat”. Quant als quatre emplecs de complasença o ficticis, la consolessa afirmèt als nòstres collègas provençals que son “totei enquadrats per la legalitat”. Per çò qu’es del pòst de Christophe Achouri, mes en examen, se tracta segon la consolessa d’una “procedura separada”.
Joissains-Masini parlava ièr d’“orquestracion”, a qualques setmanas de las municipalas. “Me laissarai pas faire, vau reagir violentament”, çò diguèt, en apondent que començariá per far sa denóncia contra una denonciacion calomniosa.
Maryse Joissains-Masini, dins sos 71 ans, ten la comuna d’Ais de Provença per l’UMP dempuèi 2001, e es candidata per un novèl mandat en març de 2014. Mas alavetz la consolessa deurà afrontar un autre candidat de drecha, son èx-conselhièr Bruno Genzana, prepausat per l’Union dels Democratas e Independents (UDI). Lo Partit Socialista espèra de profechar d’aquela division per tornar prene la vila.
Segon una informacion de France 3, confirmada per d’autres mèdias, la brigada financièra de la polícia judiciària de Marselha entendèt ièr la consolessa per la promocion de son menaire, Omar Achouri, qu’atenguèt la categoria maximala per un foncionari, sens complir los requisits. Segon las denóncias, lo menaire èra dins la 46a posicion sus 160 dins una lista de foncionaris de la classa B, e passèt a las primièras plaças de la classa A, amb son aumentacion de salari consequenta e considerabla. De mai, segon l’enquèsta, s’engatgèt dos enfants d’Achouri per d’emplecs pas plan definits e se sospiècha que s’agisca d’emplecs ficticis.
A la sortida de sa gàrdia a vista, ièr de ser, la consolessa parlèt amb los jornalistas de La Provence. “Siáu mai que serena. Aqueste dorsier que n’ausissi parlar dempuei sieis mes se desgonfla coma una bofiga”, çò diguèt. Confirmèt que foguèt entenduda sus quatre dorsièrs que concernissián d’emplecs a la comuna d’Ais e a la comunautat d’aglomeracion, “sus la basa d’una letra anonima, d’un costat, e de declaracions de mon ancian director generau dei servicis, qu’aviáu licenciat”. Quant als quatre emplecs de complasença o ficticis, la consolessa afirmèt als nòstres collègas provençals que son “totei enquadrats per la legalitat”. Per çò qu’es del pòst de Christophe Achouri, mes en examen, se tracta segon la consolessa d’una “procedura separada”.
Joissains-Masini parlava ièr d’“orquestracion”, a qualques setmanas de las municipalas. “Me laissarai pas faire, vau reagir violentament”, çò diguèt, en apondent que començariá per far sa denóncia contra una denonciacion calomniosa.
Maryse Joissains-Masini, dins sos 71 ans, ten la comuna d’Ais de Provença per l’UMP dempuèi 2001, e es candidata per un novèl mandat en març de 2014. Mas alavetz la consolessa deurà afrontar un autre candidat de drecha, son èx-conselhièr Bruno Genzana, prepausat per l’Union dels Democratas e Independents (UDI). Lo Partit Socialista espèra de profechar d’aquela division per tornar prene la vila.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
(D'ara enlai, vòle intervenir per lavar l'onor e la memòria de mon antecessor illustre lo grand trobador Pèire Cardenal, e ansin vòle empachar lo maufatan qu'embrutís son nom de lonja dins los comentaris.)
Aquela consolessa d'Ais es coneguda per èsser vulgara e virulenta. Ataca sovent la vila vesina de Marselha que mesprèsa per sa manca de richesa. Amb la gàrdia a vista, benlèu Joissains aprendrà la modèstia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari