Actualitats
País d’Ais: barran l’entrepresa LFoundry qu’emplega 613 personas
La companhiá provençala de semiconductors LFoundry, de Rosset (País d’Ais), foguèt mesa en redreiçament judiciari en junh passat, per un periòde de sièis meses, e lo tribunal de comèrci de París a decidit sa liquidacion. Pasmens poiriá encara accedir al relambi de tres meses qu’a demandat lo Ministèri del Redreiçament Productiu de França.
Lo ministre, Arnaud Montebourg, recebèt diluns passat una delegacion sindicala de l’entrepresa, e en seguida diguèt que demandariá al liquitador aquel relambi de tres meses, per fin que los espleches e la maquinària industriala foguèsson mantenguts en esperant un eventual repreneire.
Segon d’informacions de l’AFP, presas d’una font pròcha del dorsièr, i aurà pas de perseguida d’activitat. Los licenciaments se devon prononciar lèu-lèu, jos quinze jorns o tres setmanas.
E mai se la microelectronica es l’avenir, coma o asseguran los representants sindicals, per ara i a pas cap de repreneire, mas solament la promessa de protegir la maquinària pendent tres meses per estudiar l’ofèrta d’un repreneire estatsunidenc qu’a mostrat d’interès per aquela usina de cartas de chip. Segon los sindicats, aquela marca d’interès provendriá d’una entrepresa californiana de microelectronica.
Los salariats manifèstan lor colèra. “Totei lei gabinets d’audit dison que siam viables, que l’aisina industriala es excepcionala e, de mai, avèm ja de comandas per la novèla tecnologia (lo chip LF 110) qu’aurem acabat de metre au ponch dins sieis mes aperaquí, mas ren i fai, anam dins la paret!” çò declarèt a La Provence un managèr d’LFoundry, qu’al delà planhiá que la mejana d’edat dels salariats es de 43 ans e que, donc, seriá fòrça complicat de se far emplegar tornarmai.
Los sindicats tanben an demandat a l’ancian proprietari, lo grop estatsunidenc Atmel, de passar de comandas suplementàrias per far la joncion amb los produches nòus, previstes per 2014, perque l’unitat de fabricacion a encara de clients e possedís de licéncias preciosas. Atmel vendèt aquesta entrepresa en 2010 per un èuro simbolic a l’entrepresa alemanda LFoundry.
Una lusor d’espèr
Per la confederacion sindicala CFDT, aquel relambi de tres meses “es una lusor d’espèr, e mai se sautam pas de jòia perque lèu-lèu serem au caumatge”, segon çò que declarèt lo delegat Michel Millo a Le Figaro.
“Lo ministre s’es avisat benlèu qu’aquelei qu’an gerit lo dorsier son estats pron «leugiers». Nosautres veirem en tot cas aqueste divendres, amb lo liquidator judiciari, coma organizar aqueste relambi de tres mes”, çò apondèt, en estimant a un quarantenat de personas lo besonh de personal per manténer lo sit en seguretat e i preservar las maquinas en vista d’una eventuala represa.
Lo ministre, Arnaud Montebourg, recebèt diluns passat una delegacion sindicala de l’entrepresa, e en seguida diguèt que demandariá al liquitador aquel relambi de tres meses, per fin que los espleches e la maquinària industriala foguèsson mantenguts en esperant un eventual repreneire.
Segon d’informacions de l’AFP, presas d’una font pròcha del dorsièr, i aurà pas de perseguida d’activitat. Los licenciaments se devon prononciar lèu-lèu, jos quinze jorns o tres setmanas.
E mai se la microelectronica es l’avenir, coma o asseguran los representants sindicals, per ara i a pas cap de repreneire, mas solament la promessa de protegir la maquinària pendent tres meses per estudiar l’ofèrta d’un repreneire estatsunidenc qu’a mostrat d’interès per aquela usina de cartas de chip. Segon los sindicats, aquela marca d’interès provendriá d’una entrepresa californiana de microelectronica.
Los salariats manifèstan lor colèra. “Totei lei gabinets d’audit dison que siam viables, que l’aisina industriala es excepcionala e, de mai, avèm ja de comandas per la novèla tecnologia (lo chip LF 110) qu’aurem acabat de metre au ponch dins sieis mes aperaquí, mas ren i fai, anam dins la paret!” çò declarèt a La Provence un managèr d’LFoundry, qu’al delà planhiá que la mejana d’edat dels salariats es de 43 ans e que, donc, seriá fòrça complicat de se far emplegar tornarmai.
Los sindicats tanben an demandat a l’ancian proprietari, lo grop estatsunidenc Atmel, de passar de comandas suplementàrias per far la joncion amb los produches nòus, previstes per 2014, perque l’unitat de fabricacion a encara de clients e possedís de licéncias preciosas. Atmel vendèt aquesta entrepresa en 2010 per un èuro simbolic a l’entrepresa alemanda LFoundry.
Una lusor d’espèr
Per la confederacion sindicala CFDT, aquel relambi de tres meses “es una lusor d’espèr, e mai se sautam pas de jòia perque lèu-lèu serem au caumatge”, segon çò que declarèt lo delegat Michel Millo a Le Figaro.
“Lo ministre s’es avisat benlèu qu’aquelei qu’an gerit lo dorsier son estats pron «leugiers». Nosautres veirem en tot cas aqueste divendres, amb lo liquidator judiciari, coma organizar aqueste relambi de tres mes”, çò apondèt, en estimant a un quarantenat de personas lo besonh de personal per manténer lo sit en seguretat e i preservar las maquinas en vista d’una eventuala represa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es l'economia capitalista de granda eschala, sauvatja e poirida, qu'eschapa au contraròtle de la populacion, que bota los trabalhadors au chaumatge e que destrutz l'indústria au país.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari