Actualitats
Segond atemptat suicidari a Volgograd: mai de 30 mòrts en dos jorns
Un kamikaze faguèt esclatar una bomba ièr dins un troleibús, en causant mai de dètz mòrts, un jorn après qu’un autre suicidari tuèt 17 personas en fasent esclatar una bomba dins la gara dels trens
Almens catòrze mòrts e un trentenat de ferits, aquò foguèt lo resultat de l’atemptat que i aguèt ièr de matin dins la vila de russa de Volgograd, segon las informacions del vicegovernador de la region, Vasilii Galushkin. L’engenh esclatèt dins un troleibús public. Segon las primièras donadas, un suicidari s’immolèt dins lo troleibús qu’anava dins lo centre vila.
Dimenge, un autre kamikaze faguèt esclatar una bomba dins la gara dels trens de la vila e tuèt 17 personas, segon las darrièras chifras oficialas.
Tot aquò ven un grand chepic per Moscòu, perque i a de mai en mai d’atemptats près de Sochi, la vila aculhissent los Jòcs Olimpics d’Ivèrn, que començaràn en febrièr. En junh passat, un dels caps rebèls chechèns faguèt una crida a atacar l’eveniment amb “la fòrça maximala”.
Una veusa negra responsabla de l’atemptat a la gara
La polícia russa a identificat l’insurgenta Oksana Aslanova, pertanhent a un grop armat de la republica russa de Daguestan, coma la responsabla de l’atemptat suicidari de dimenge dins la gara. Aslanova fasiá partida del grop nomenat Las Veusas Negras: son de femnas de caps insurgents del nòrd de Caucàs, mòrts en d’afrontaments amb las fòrças de seguretat russas; aital o rapòrtaLa Votz de Russia en qualques lengas.
Segon de fonts de la cadena Life News, Aslanova èra estada maridada amb dos d’aqueles responsables, los dos essent mòrts, e s’entraïnèt per plaçar e utilizar d’explosius amb Naïda Asiialova, qu’en octòbre passat s’immolèt en un autre atemptat tanben a Volgograd, fasent almens sièis mòrts e un trentenat de ferits.
_____
– Pravda:Генерал-майор ФСБ: Террористы хотят максимально испоганить Олимпиаду
– RIA Novosti: Второй за сутки теракт в Волгограде: взрыв в троллейбусе / Volgograd: l’attentat dans le trolley perpétré par un kamikaze
– BBC: News: New deadly bomb strikes Russian city
Dimenge, un autre kamikaze faguèt esclatar una bomba dins la gara dels trens de la vila e tuèt 17 personas, segon las darrièras chifras oficialas.
Tot aquò ven un grand chepic per Moscòu, perque i a de mai en mai d’atemptats près de Sochi, la vila aculhissent los Jòcs Olimpics d’Ivèrn, que començaràn en febrièr. En junh passat, un dels caps rebèls chechèns faguèt una crida a atacar l’eveniment amb “la fòrça maximala”.
Una veusa negra responsabla de l’atemptat a la gara
La polícia russa a identificat l’insurgenta Oksana Aslanova, pertanhent a un grop armat de la republica russa de Daguestan, coma la responsabla de l’atemptat suicidari de dimenge dins la gara. Aslanova fasiá partida del grop nomenat Las Veusas Negras: son de femnas de caps insurgents del nòrd de Caucàs, mòrts en d’afrontaments amb las fòrças de seguretat russas; aital o rapòrtaLa Votz de Russia en qualques lengas.
Segon de fonts de la cadena Life News, Aslanova èra estada maridada amb dos d’aqueles responsables, los dos essent mòrts, e s’entraïnèt per plaçar e utilizar d’explosius amb Naïda Asiialova, qu’en octòbre passat s’immolèt en un autre atemptat tanben a Volgograd, fasent almens sièis mòrts e un trentenat de ferits.
_____
– Pravda:Генерал-майор ФСБ: Террористы хотят максимально испоганить Олимпиаду
– RIA Novosti: Второй за сутки теракт в Волгограде: взрыв в троллейбусе / Volgograd: l’attentat dans le trolley perpétré par un kamikaze
– BBC: News: New deadly bomb strikes Russian city
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo que vòl pas noirir lo gat (de l'amistat e del respècte mutual entre los pòbles), cal que noirisca los rats (de l'asir). Res de nòu aquí, res de nòu.
#1 La guèrra de liberacion dels chechèns, dels ingoshes e dels daguestaneses, es pas un conflicte religiós entre crestians ortodòxes e islam, mas la desesperacion d'un pòble que lucha –segon son biais de luchar- contra un emperi que lor fa desaparéisser. Las suicidàrias son de femnas qu'an assassinat lors marits.
Seriá polit s'òm emplegava pas las los comentaris del Jornalet per sos prepauses islamofòbes, ni xenofòbes de cap de biais.
Dich aquò, cal condemnar aquel biais de luchar: lo de l'armada russa e los dels rebèls caucasians que se defendon en tot assassinar de ciutadans innocents.
Una pensada de solidaritat pel mond de Volgograd.
L'estat de Russia es criminal perque oprimís los chechèns, los ingoshs e los daguestanés.
Los terroristas de Volgograd son criminals perque tuan d'innocents dins d'atemptats suicidaris.
Aquò es la realitat, plan complicada e plan dramatica.
Jornalet a pas cerchat d'escondre ren, perque es chausa saupuda que los terroristas de Volgograd son de fanatics religiós.
Es estranh aquesta presentacion de l'informacion per nòstre Jornalet. Los assassins e criminals que comentèron aqueles atemptats son qualificats a pertièra de kamikazes, de suicidaris, de rebèls, d'insurgents, de veusas negras. Al nom de qué se son faches terroristas e assassins? Al nom de la libertat dels pòbles del Caucàs? Per se desbarrassar de l'imperialisme rus e establir la democracia e aparar los dreches umans dins las republicas del Caucàs?
Que nani! Vòlon impausar lo fascisme islamic d'en d'abòrd dins lo Caucàs, puèi pertot dins lo monde. Se vòlon pas dels Jòcs Olimpics es pas per çò que son organisats per l'Estat imperialisme rus, mas per çò que son "impius" (valent a dire per çò que son pas musulmans). Es pas ieu qu'o disi, es un dels caps islamo-terroristas chetchènes que lo Jornalet ne parla sens ne balhar sas "motivacions".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari